ვლადიმერ როინიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1957 წელს.

ორი წლის განმავლობაში სწავლობდა კონსერვატორიის საორკესტრო ფაკულტეტზე(ჩელო); 1957-1962წწ. იყო ფიზიკის ინსტიტუტის უმცროსი მეცნიერ-თანამშრომელი; 1962-1966წწ. უფროსი ინჟინერი; 1966-1969წწ. უფროსი მეცნიერ-თანამშრომელი; 1969-1994წწ. მაღალი ენერგიების ფიზიკის ლაბორატორიის გამგე; 1994 წლიდან სამეცნიერო-ტექნიკური საბჭოს მრჩეველი. არის 120 სამეცნიერო სტატიისა და ერთი გამოგონების ავტორი.

საკანდიდატო დისერტაციის თემა - "იზოტროპული თვისებების მქონე ტრეკული ნაპერწკლოვანი კამერის მახასიათებლები და მუშაობის მექანიზმი", დაიცვა 1964 წელს.

სადოქტორო დისერტაციის თემა - "ინკლუზიურ მეზონ-ნუკლონური გამოკვლევა და მეზონური მდგომარეობები რეაქციებში სერპუხოვის ენერგიებზე", დაიცვა 1974 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ.  281