გუბაზ II

ეგრისის მეფე VI-საუკუნის 40-50წწ; ბიზანტიის ვასალი; იგი მოხერხებულად იყენებდა ბიზანტიისა და ირანის დაპირისპირებას და ცდილობდა დამოუკიდებლობა მოეპოვებინა; 541 წელს კავშირი შეკრა ირანის მეფე ხოსრო I–თან და ბიზანტიას აუჯანყდა; 548 წელს როდესაც ირანელთა ნამდვილი ზრახვები გამომჟღავნდა(გუბაზ II-ის მოკვლის განზრახვა, ეგრისელების აყრა თავიანთი მიწა–წყლიდან და იქ ირანელების ჩასახლება), განუდგა მათ და ისევ ბიზანტიელთა მხარეზე გადავიდა; 553 წელს ირანელებმა შეძლეს ბიზანტიისა და ეგრისის ჯარის დამარცხება, რაც გუბაზ II-მ ბიზანტიის სარდლების მარტინეს, ბესასა და რუსტიკეს უნიჭობასა და ანგარებას დააბრალა, ამის გამო ბიზანტიელმა სარდლებმა გუბაზ II მოკლეს.

წყარო: საქართველო: ენციკლოპედია: ტ.2. – თბ., 2012. – გვ.170