მამე რაიკი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის კიბერნეტიკისა და გამოყენებითი მათემატიკის ფაკულტეტი 1972 წელს.

ეწეოდა სამეცნიერო-პედაგოგიურ საქმიანობას: 1972-1978წწ. იყო კიბერნეტიკის ინსტიტუტის უფროსი მეცნიერ-თანამშრომელი, ჯგუფის ხელმძღვანელი; 1978-1980წწ. თბილისის სახელმწიფო უნივერსიტეტის იურიდიული ფაკულტეტის დამნაშავეობის სოციოლოგიური ლაბორატორიის სექტორის გამგე; 1980-1995წწ. ინფორმატიკის და ტელეკომუნიკაციის ინსტიტუტის სექტორის გამგე, წამყვანი მეცნიერ-თანამშრომელი; 1995-1999წწ. საქართველოს მე-4 მოწვევის პარლამენტის წევრი, საარჩევნო ბლოკი: საქართველოს მოქალაქეთა კავშირი, საარჩევნო ფორმა: პარტიული სიით. მიღებული აქვს სსრკ მინისტრთა საბჭოს პირველი პრემია (1983); არის მრავალი სამეცნიერო ნაშრომის ავტორი.

საკანდიდატო დისერტაციის თემა - "მრავალკრიტერიალური სკალირება სისტემურ ანალიზში და ოპერაციათა კვლევაში", დაიცვა 1976 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 278; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ.296

• საქართველოს მე-4 მოწვევის პარლამენტი, წევრი (1995-1999)
• საქართველოს მე-4 მოწვევის პარლამენტის ფრაქცია "მოქალაქეთა კავშირი", წევრი (1995-1999)
• საქართველოს მე-4 მოწვევის პარლამენტის ეკონომიკური რეფორმებისა და პოლიტიკის კომიტეტი, წევრი (1997-1999)
• საქართველოს მე-4 მოწვევის პარლამენტის მიგრაციის და უცხოეთში მცხოვრებ თანამემამულეთა საქმეების კომიტეტი, წევრი (1995-1996)
• საქართველოს მე-4 მოწვევის პარლამენტის საფინანსო-საბიუჯეტო კომიტეტი, წევრი (1996-1997)

• 1984 - სსრკ სახალხო მეურნეობის მიღწევათა გამოფენა (ВДНХ), ვერცხლის მედალი