დარეჯან გაბუნია

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1972 წელს.

1972–1973წწ. იყო თერჯოლის რაიონის ცენტრალური საავადმყოფოს ინტერნი; 1973–1975წწ. სოფელ ახალი თერჯოლის საექიმო ამბულატორიის გამგე; 1975–1978წწ.  თბილისის სახელმწიფო სამედიცინო ინსტიტუტის დასწრებული სწავლების ასპირანტი; 1978 წლიდან  თბილისის სახელმწიფო სამედიცინო ინსტიტუტის ჰოსპიტალური თერაპიის კათედრის ასისტენტი; 1991 წლიდან კი ამავე კათედრის დოცენტი. ავტორია 35 სამეცნიერო ნაშრომის, რომლებიც ეხება შაქრიანი დიაბეტის, ფილტვების ქრონიკულ არასპეციფიკურ დაავადებათა პრობლემებს.

საკანდიდატო დისერტაციის თემა - "შაქრიანი დიაბეტით დაავადებულთა სისხლის შრატსა და შარდში ზოგიერთი ფერმენტის აქტივობის განსაზღვრის კლინიკო–დიაგნოსტიკური ღირებულება", დაიცვა 1981 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.53; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.80

• ენდოკრინოლოგიური საზოგადოება, წევრი
• რესპუბლიკური თერაპიული საზოგადოება, წევრი

• 2001 - ღირსების ორდენი