თემურ ჟღენტი

დაბადების ადგილი: ქ. ქუთაისი.

დაამთვრა ქუთაისის პედაგოგიური ინსტიტუტის ისტორია-ფილოლოგიის ფაკულტეტი 1963 წელს.

1965-1973წწ. - კომკავშირული სამუშაო; 1974-1975წწ. - განათლების სამინისტროს სამმართველოს უფროსი; 1975-1976წწ. - ესთეტიკური აღზრდის სამეცნიერო-მეთოდური ცენტრის დირექტორი; 1977-1987წწ. - პიონერთა და მოსწავლეთა სასახლის დირექტორი; 1988-1990წწ. - რუსთაველის თეატრის დირექტორი; 1991-1992წწ. - სერგო ზაქარიაძის სახელობის კულტურის სახელმწიფო სასწავლებელის ხელმძღვანელი; 1992 წლიდან - მეგობართა ჯგუფთან ერთად ინიციატორი ექვთიმე თაყაიშვილის სახელობის კულტურისა და ხელოვნების სახელმწიფო უნივერსიტეტის დაარსებისა. 2006 წლამდე - ამ უნივერსიტეტის არჩეული რექტორი. მისი ინიციატივით, საქართველოში პირველად შეიქმნა ქორეოგრაფიული და სალოტბარო სპეციალობების ფაკულტეტები, ქართული ფოლკლორის ლაბორატორია; დაარსდა ქართული ხალხური ცეკვის ცნობილი ანსამბლი "როკვა" და ქართული ხალხური სიმღერის ანსამბლი "ქალგულო". არის 50-მდე სამეცნიერო ნაშრომის ავტორი. პედაგოგიკის მეცნიერებათა დოქტორი (2003).

საკანდიდატო დისერტაციის თემა - "სამშობლოს სიყვარულის აღზრდა იაკობ გოგებაშვილის პედაგოგიურ მემკვიდრეობაში", დაიცვა 1986 წელს; სადოქტორო დისერტაციის თემა - "შემოქმედებითი საქმიანობისადმი სტუდენტთა პროფესიული ინტერესის აღზრდის პედაგოგიური საფუძვლები (თბილისის კულტურის სახ. ინსტიტუტისა და კულტურის კოლეჯის მუშაობის მაგალითზე", დაიცვა 2003 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 276; ქართული პრესის ელექტრონული არქივი: nplg.gov.ge; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.574; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.353

• საქართველოს განათლების მეცნიერებათა აკადემია, აკადემიკოსი (1998-2014)
• სპორტსაზოგადოება "შევარდენი"-ს რესპუბლიკური საბჭო, თავმჯდომარე (1987-1988)

• 1998 - ღირსების ორდენი
  სტუდენტი ახალგაზრდობის აღზრდა-განათლებაში შეტანილი პირადი დიდი წვლილისათვის, ნაყოფიერი პედაგოგიური და საზოგადოებრივი მოღვაწეობისათვის
• 1987 - საქართველოს დამსახურებული მასწავლებელი
• იაკობ გოგებაშვილის სახელობის მედალი

• გურიაში რა გინდოდა : მოთხრობები (ავტორი). - თბილისი, შპს "ირიდა", 2014. - 190გვ.. - ISBN: 978-9941-0-6971-0
• მძევალი : რომანი (ავტორი). - თბილისი, შპს "ირიდა", 2013. - 272გვ.. - ISBN: 978-9941-0-5909-4
• ანთროპოლოგიური პედაგოგიკა როგორც განათლების მეცნიერება (რედაქტორი). - თბილისი, უნივერსალი, 2011. - 448გვ.. - ISBN: 978-9941-17-199-4