შიო გუგეშაშვილი

დაბადების ადგილი: ქ. გროზნო, ახლანდელი ჩაჩნეთის რესპუბლიკა.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1934 წელს.

1934-1941წწ. მუშაობდა თბილისის სახელმწიფო სამედიცინო ინსტიტუტში შინაგან სნეულებათა პროპედევტიკის კათედრაზე, ჯერ ორდინატორი იყო, შემდეგ - ასისტენტი; ომის წლებში ფრონტზე იბრძოდა და მუშაობდა ქირურგად; ომის შემდეგ დაასახელეს კათედრის დოცენტად, შემდეგ იყო შინაგან საქმეთა სამინისტროს სამედიცინო სამსახურში; 1958-1986წწ. იყო სამკურნალო ფაკულტეტის შინაგან სნეულებათა პროპედევტიკის კათედრის გამგე, ხოლო 1986 წლიდან კონსულტანტი; სწავლობდა ორგანიზმში წყლისა და მკვრივ ნივთიერებათა ცვლას ნორმასა და პათოლოგიაში, კერძოდ ბოტკინის დაავადებასა და ბაქტერიული დიზენტერიის დროს; ბევრი სამეცნიერო ნაშრომის ავტორი, მათ შორის დაბეჭდილი აქვს ერთი სახელმძღვანელო შინაგან სნეულებაში. მიღებული აქვს სახელმწიფო ჯილდოები, მათ შორის საბრძოლო ორდენები; II მსოფლიო ომის მონაწილე, თერაპევტი, მედიცინის მეცნიერებათა დოქტორი (1966), პროფესორი (1968).

წყარო: საქართველო: ენციკლოპედია: ტ.2. – თბ., 2012. – გვ.172; საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.361-362

• 1980 - საქართველოს მეცნიერებათა დამსახურებული მოღვაწე

• შინაგან დავადებათა პროპედევტიკა : სახელმძღვ. სამედ. ინ-ტის სტუდენტებისათვის (ავტორი) // ნაწ. 2.. - თბილისი, განათლება, 1995. - 552გვ.
• შინაგან დავადებათა პროპედევტიკა : სახელმძღვ. სამედ. ინ-ტის სტუდენტებისათვის (ავტორი) // ნაწ. 1.. - თბილისი, განათლება, 1991. - 559გვ.