ალმასხან გუგუშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი 1960 წელს.

1960-1963 წწ. მუშაობდა თბილისის ხელსაწყომშენებლობის სამეცნიერო–კვლევით ინსტიტუტში; 1967 წლიდან იყო საქართველოს პოლიტექნიკური ინსტიტუტის ავტომატიკისა და ტელემექანიკის (ამჟამად - მართვისა და ავტომატიზაციის) კათედრის დოცენტი; 1977-2003 წწ. ამავე კათედრის გამგე; 2001 წელს მისი ხელმძღვანელობით საქართველოს მეცნიერებათა აკადემიის ხელნაწერთა ინსტიტუტში ჩატარდა სამუშაოები ხელოვნური კლიმატის მართვის სისტემების შესაქმნელად; მისი შრომები ეხება არაწრფივი სისტემების იდენთიფიკაციას, ოპტიმალური და ადაპტურიმართვის თეორიას, გამოსახულების ციფრული დამუშავებისა და კომპიუტერული გრაფიკის აქტუალურ საკითხებს, ენერგეტიკის თეორიის გამოყენებას მართვის თეორიაში; ავტორია მრავალი სამეცნიერო ნაშრომის, მათ შორის 4 მონოგრაფიისა და 8 სახელმძღვანელოსი; მიღებული აქვს 4 საავტორო მოწმობა; ინჟინერ–ელექტრიკოსი, ტექნიკურ მეცნიერებათა დოქტორი (1986), პროფესორი (1991).

წყარო: საქართველო: ენციკლოპედია: ტ.2. – თბ., 2012. – გვ.173; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.205; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.93

• ინფორმაციის საერთაშორისო აკადემია, ნამდვილი წევრი

• 2004 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  1997 წელს გამოცემული უმაღლესი სასწავლებლის სახელმძღვანელოსათვის - "ოპტიმალური და ადაპტური სისტემები"
• 2003 - ღირსების ორდენი
• 1998 - ღირსების მედალი
  ქართული ტექნიკური მეცნიერების განვითარებისა და საინჟინრო კადრების აღზრდის საქმეში შეტანილი თვალსაჩინო პირადი წვლილისათვის

• ოპტიმალური და ადაპტური სისტემები : სახელმძღვანელო (თანაავტორი) // წ. 3.. - თბილისი, ტექნ. უნ-ტის გამ-ბა, 1997. - 326 გვ.
• ოპტიმალური და ადაპტური სისტემები : სახელმძღვანელო (თანაავტორი) // წ. 2. . - თბილისი, ტექნ. უნ-ტის გამ-ბა, 1997. - 438 გვ.