ირაკლი ჟორდანია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის საინჟინრო ფაკულტეტი 1955 წელს.

1955-1976წწ. იყო რუსთავის მეტალურგიული კომბინატის ინჟინერ-მკვლევარი, მუშა, ოსტატი, ცვლის უფროსი, საამქროს უფროსი, ცენტრალური ლაბორატორიის უფროსი; 1976-1984წწ. საქართველოს სახელმწიფო საგეგმო კომიტეტის მეცნიერებისა და ტექნიკის განყოფილების უფროსი, თავმჯდომარის მოადგილე; 1977-1989წწ. საქართველოს მეცნიერებისა და ტექნიკის სახელმწიფო კომიტეტის თავმჯდომარე, მინისტრთა საბჭოს პრეზიდიუმის წევრი; 1985-1996წწ. საქართველოს ტექნიკური უნივერსიტეტის ლითონთა წნევით დამუშავების კათედრის პროფესორი; 1989 წლიდან დღემდე საქართველოს  მეტალურგიისა და მასალათმცოდნეობის ინსტიტუტში ლითონების უწყვეტი ჩამოსხმის ლაბორატორიის ხელმძღვანელი, მთავარი მეცნიერ-თანამშრომელი, დირექციის კონსულტანტი; 1990-1993წწ. საქართველოს მეცნიერებისა და ახალი ტექნოლოგიების მინისტრი; 1996-2002წწ. საქართველოს ჰოლდინგური კომპანია "საქსამთომეტალურგის" პრეზიდენტი; 1997-2005წწ. რუსთავის მეტალურგიული კომბინატის გენერალური დირექტორი; 2000 წელს დაჯილდოვდა საერთაშორისო საინჟინრო აკადემიის ოქროს მედლით; 2006 წლიდან იყო საქართველოს საწარმოო ძალებისა და ბუნებრივი რესურსების შემსწავლელი ცენტრის მთავარი მეცნიერ-თანამშრომელი, სამეცნიერო საბჭოს თავმჯდომარე; 2015 წელს არჩეულია საქართველოს მეცნიერებათა ეროვნული აკადემიის მთავარ აკადემიკოს – მდივნად. 153 სამეცნიერო სტატიისა და 20 მონოგრაფიის ავტორი.

სადოქტორო დისერტაციის თემა - "ახალი მეტალურგიული პროცესები", დაიცვა 1984 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 274; ecopolitics.ge; საქართველოს რესპუბლიკა. თბილისი, 2018. 1 მაისი. N 88 (8489). გვ. 9: sakresp.ge

• საქართველოს მეცნიერებათა აკადემია, აკადემიკოსი (1993-)
• საქართველოს, რუსეთისა და საერთაშორისო საინჟინრო აკადემია, აკადემიკოსი

• 1962 - ლენინური პრემია, მეცნიერებისა და ტექნოლოგიების დარგში