ქეთევან გარსიაშვილი

დაბადების ადგილი: ქ. საგარეჯო.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1941 წელს.

1941 წელს იყო თბილისის სახელმწიფო სამედიცინო ინსტიტუტის საფაკულტეტო ქირურგიის კათედრის ორდინატორი; 1942 წელს ამიერკავკასიის რკინიგზის ცენტრალური საავადმყოფოს ქირურგიული განყოფილების ორდინატორი; 1955 წელს ამიერკავკასიის რკინიგზის სისხლის გადასხმის სადგურის ექიმი; 1958–1969წწ. რენტგენო–რადიოლოგიის სამეცნიერო კვლევითი ინსტიტუტის ჰემატოლოგია–ციტოლოგიის ლაბორატორიის ხელმძღვანელი; 1969–1977წწ. ექსპერიმენტული და კლინიკური ქირურგიის სამეცნიერო კვლევითი ინსტიტუტის ციტოლოგიის ლაბორატორიის უფროსი; 1977–1998წწ. ექიმთა დიპლომისშემდგომი განათლების აკადემიის კათედრის დოცენტი, შემდეგ გამგე, პროფესორი. ავტორია 90 სამეცნიერო ნაშრომის. გამოქვეყნებული აქვს ორი მონოგრაფია. 1977 წლიდან სისტემატურად ატარებს ლექცია–სემინარებსა და პრაქტიკულ მეცადინეობას ჰემატოლოგია–ციტოლოგიაში. ექიმი– კლინიკური ციტოლოგი, ჰემატოლოგი, მედიცინის მეცნიერებატა დოქტორი, პროფესორი.

საკანდიდატო დისერტაციის თემა - "ციტოლოგიური გამოკვლევების გამოყენება ზოგიერთი დაავადების დროს", დაიცვა 1958 წელს.

სადოქტორო დისერტაციის თემა - "ჰემობლასტოზების უჯრედული ვარიანტები, მათი ციტოლოგიური დინამიურობა და ტრანსფორმაციები", დაიცვა 1994 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.56

• თბილისის ექიმ–ლაბორანტთა სამეცნიერო საზოგადოება, თავმჯდომარე
• თბილისის ექიმ–ლაბორანტთა სამეცნიერო საზოგადოების გამგეობა, წევრი

• 1990 - ჯანდაცვის დამსახურებული მუშაკის საპატიო წოდება
• შრომის ვეტერანის მედალი