ზურაბ ჟვანია

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ბიოლოგიის ფაკულტეტი  სპეციალობით ადამიანის და ცხოველთა ფიზიოლოგია1985 წელს.

1985-1992წწ. თბილისის სახელმწიფო უნივერსიტეტის ბიოლოგიის ფაკულტეტის ადამიანისა და ცხოველთა ფიზიოლოგიის კათედრის უფროსი ლაბორანტი, უმცროსი მეცნიერ-თანამშრომელი; 1985 წელს უნივერსიტეტის დამთავრების შემდეგ ახალგაზრდების ჯგუფთან ერთად, ცნობილი მეცნიერების მხარდაჭერით ჩამოაყალიბა ეკოლოგიური ასოციაცია, რომლის ბაზაზეც შეიქმნა "საქართველოს მწვანეები"(1988); 1992-1995წწ. საქართველოს მე-3 მოწვევის პარლამენტის წევრი, საარჩევნო ბლოკი: "საქართველოს მწვანეთა პარტია", საარჩევნო ფორმა: პარტიული სიით; 1995-1999წწ. საქართველოს მე-4 მოწვევის პარლამენტის წევრი, საარჩევნო ბლოკი: "საქართველოს მოქალაქეთა კავშირი", საარჩევნო ფორმა: პარტიული სიით; 1999-2004წწ. საქართველოს მე-5 მოწვევის პარლამენტის წევრი, საარჩევნო ბლოკი: "საქართველოს მოქალაქეთა კავშირი", საარჩევნო ფორმა: პარტიული სიით; ზურაბ ჟვანიას თავმჯდომარეობის პერიოდში საქართველოს პარლამენტმა პოსტ-საბჭოურ სივრცეში პირველმა შექმნა სრულიად ახალი საკანონმდებლო სისტემა, დაფუძნებული დემოკრატიის, ადამიანის უფლებათა დაცვის და საბაზრო ეკონომიკის პრინციპებზე, რამაც მნიშვნელოვნად შეუწყო ხელი საქართველოს ინტეგრაციას საერთაშორისო საზოგადოებაში. მას უდიდესი წვლილი მიუძღვის ჩვენს ქვეყანაში დამოუკიდებელი, ძლიერი და გავლენიანი სამოქალაქო საზოგადოების, თავისუფალი მასმედიის ჩამოყალიბებაში; 2003-2004წწ. საქართველოს სახელმწიფო მინისტრი; 2004-2005წწ. საქართველოს პრემიერ-მინისტრი.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 273; საქართველოს მთავრობის ვებგვერდი: gov.ge; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ.293; საქართველოს პარლამენტის ვებგვერდი: parliament.ge

• ევროპის მწვანეთა გაერთიანება, თანათავმჯდომარე (1992-1993)
• პარტიული გაერთიანება "გაერთიანებული დემოკრატები", ერთ-ერთი დამფუძნებელი, ხელმძღვანელი (2002-)
• საქართველოს მე-5 მოწვევის პარლამენტის ფრაქცია "გაერთიანებული დემოკრატები", წევრი (2002-2004)
• საქართველოს მე-3 მოწვევის პარლამენტი, წევრი (1992-1995)
• საქართველოს მე-3 მოწვევის პარლამენტის ფრაქცია "მწვანეები" , თავმჯდომარე (1993-1995)
• საქართველოს მე-4 მოწვევის პარლამენტი , პარლამენტის თავმჯდომარე (1995-1999)
• საქართველოს მე-4 მოწვევის პარლამენტის ფრაქცია "მოქალაქეთა კავშირი" , წევრი (1995-1999)
• საქართველოს მე-5 მოწვევის პარლამენტი, პარლამენტის თავმჯდომარე (1999-2001)
• საქართველოს მე-5 მოწვევის პარლამენტის გარემოს დაცვისა და ბუნებრივი რესურსების კომიტეტი, წევრი (2002-2004)
• საქართველოს მე-5 მოწვევის პარლამენტის ფრაქცია "დემოკრატები" , წევრი (2002-2002)
• საქართველოს მე-5 მოწვევის პარლამენტის ფრაქცია "საქართველოს მოქალაქეთა კავშირი", წევრი (1999-2002)
• საქართველოს მოქალაქეთა კავშირი, გენერალური მდივანი (1993-1997)
• საქართველოს მწვანეთა პარტია, ცენტრალური საბჭოს თავმჯდომარე (1988-1993)

• ჩვენი თაობის პრივილეგია : ლექციების კურსი (ავტორი). - თბილისი, საარი, 2006. - 288გვ.