გუგული გუგუშვილი

დაბადების ადგილი: სოფელი ეწერი, აბაშის რაიონი.

დაამთავრა თბილისის სახელმწიფო უნივერსიტეტის ბიოლოგიის ფაკულტეტი 1945 წელს.

1945 წლიდან მუშაობდა თბილისის სახელმწიფო უნივერსიტეტის ფიზიოლოგიის კათედრაზე; 1946–1998წწ. ს. ვირსალაძის სახელობის სამედიცინო პარაზიტოლოგიისა და ტროპიკული მედიცინის სამეცნიერო-კვლევით ინსტიტუტში უმცროსი, უფროსი და წამყვანი მეცნიერ თანამშრომლის თანამდებობაზე; 1999 წლიდან იყო ამავე ინსტიტუტის ტრანსმისიულ სნეულებათა ეპიდემიოლოგიისა და სამედიცინო ენტომოლოგიის განყოფილების ხელმძღვანელი; 1950 წლიდან პარალელურად ეწეოდა პედაგოგიურ მოღვაწეობას თბილისის სახელმწიფო ექიმთა დახელოვნების ინსტიტუტში; გამოქვეყნებული აქვს მრავალი სამეცნიერო ნაშრომი, მათ შორის ერთი მონოგრაფია – "ტრანსმისიულ დაავადებათა გადამტანების ეკოლოგიური თავისებურებები მალარიის განახლების პერიოდში"(2006); მიღებული აქვს სახელმწიფო ჯილდოები; ენტომოლოგი, ბიოლოგიურ მეცნიერებათა დოქტორი (1977), პროფესორი (1996).

წყარო: საქართველო : ენციკლოპედია : ტ.2.-თბ.,2012.-გვ.174

• 1999 - ღირსების ორდენი
  მოსახლეობის ჯანმრთელობის დაცვაში შეტანილი დიდი წვლილისათვის, ჯანდაცვის სისტემის რეორიენტაციის პროცესში აქტიური მონაწილეობისა და ნაყოფიერი მოღვაწეობისათვის