ვლადიმერ გუგუშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფიულ–გეოლოგიური ფაკულტეტი 1958 წელს.

1958-1960წწ. მუშაობდა საქართველოს გეოლოგიურ სამმართველოსა და ა. თვალჭრელიძის სახელობის კავკასიური მინერალური ნედლეულის ინსტიტუტში; 1960 წლიდან დროგამოშვებით საქართველოს მეცნიერებათა აკადემიის ა. ჯანელიძის სახელობის გეოლოგიის ინსტიტუტში სხვადასხვა თანამდებობაზე; 1991-1994წწ. იყო საქართველოს გეოლოგიის, გეოდეზიის და კარტოგრაფიის დეპარტამენტის დირექტრი; 2004-2006წწ. სააქციო საზოგადოება "მადნეულის" პერსპექტიული განვითარების სამსახურის უფროსი; მისი შრომები ეხება ვულკანოლოგიისა პეტროლოგიის საკითხებს, სასარგებლო წიაღისეულის, მათ შორის ფერადი ლითონების საბადოების გენეზისისა და პოსტმაგმური პროცესების როლს დედამიწის ქერქის ფორმირების პროცესში; აღმოჩენილი აქვს ორი საბადო; გეოლოგ–მინერალოგიურ მეცნიერებათა დოქტორი (1981), პროფესორი (1991).

წყარო: საქართველო: ენციკლოპედია: ტ.2. – თბ., 2012. – გვ.175

• დედამიწის შემსწავლელ მეცნიერებათა სამეცნიერო–საექსპერტო საბჭო, თავმჯდომარე
• საზოგადოება "მადნეულის" სამეთვალყურეო საბჭო, თავმჯდომარე (2004-2006)
• საქართველოს გეოლოგიური საზოგადოება, ვიცე–პრეზიდენტი

• 25 წელი მსოფლიოს ვულკანებზე (მთარგმნელი). - თბილისი, საქართველო, ბ.ს. კომბ-ტი, 1992. - 268გვ.. - ISBN: 5-529-00374-5
• საქართველოს ბელტის ცარცული ვულკანიზმი (ავტორი). - თბილისი, მეცნიერება, 1968. - 82გვ.