თამაზ გაჩეჩილაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1962 წელს.

1962–1965წწ. ჭიათურის ქალაქის საავადმყოფოს ქირურგი; 1965–1969წწ. იყო მოსკოვის ექიმთა დახელოვნების ცენტრალური ინსტიტუტის ბავშვთა ქირურგიის კათედრის კლინიკური ორდინატორი; 1969 წლიდან თბილისის სახელმწიფო სამედიცინო ინსტიტუტის ბავშვთა ქირურგიის კათედრის ასისტენტი, დოცენტი, პროფესორი; 1984–1992წწ. თბილისის სახელმწიფო სამედიცინო ინსტიტუტის პედიატრიული ფაკულტეტის დეკანის მოადგილე. ავტორია 96 სამეცნიერო ნაშრომის, აქვს ორი გამოგონება, გამოცემული აქვს მონოგრაფიები. ექიმი–ბავშვთა ქირურგი, მედიცინის მეცნიერებათა დოქტორი.

საკანდიდატო დისერტაციის თემა - "ჰირშპრუნგის დაავადების ქირურგიული მკურნალობა ბავშვებში სოავეს მეთოდით", დაიცვა 1969 წელს მოსკოვში; სადოქტორო დისერტაციის თემა - "განავლის შეუკავებლობა ბავშვებში", დაიცვა 1988 წელს მოსკოვში.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.57;  წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.174

• 2001 - ღირსების ორდენი