ირაკლი ოჩიაური

დაბადების ადგილი: დუშეთის რაიონი, სოფელი შუაფხო.

დაამთავრა თბილისის სახელმწიფო სამხატვრო აკადემიის ქანდაკების ფაკულტეტი 1951 წელს.

1953 წლიდან მონაწილეობს გამოფენებში. მისი ძირითადი ნამუშევრებია: ალექსანდრე ყაზბეგის ძეგლი(1959 წ. სტეფანწმინდა); ვაჟა-ფშაველას ძეგლი(1985 წ. დუშეთი); "ვაჟა-ფშაველას პორტრეტი"(მოსკოვი, ტრეტიაკოვის გალერეა); "სტუდენტი გოგონას პორტრეტი"(სახვითი ხელოვნების მუზეუმი); "ინჟინერ ირინე ჯანდიერის პორტრეტი"(საქართველოს ხელოვნების მუზეუმი). მონაწილეობდა მრავალ რესპუბლიკურ და საკავშირო გამოფენებზე. მოწყობილი აქვს პერსონალური გამოფენები დასავლეთ ბერლინში, ავსტრიაში, ბელგიაში, ნორვეგიასა და სირიაში. მისი ნამუშევრები დაცულია საქართველოს ხელოვნების მუზეუმში, ტრეტიაკოვის გალერეაში, სიეტლის, იაპონიის, ამერიკის შეერთებული შტატებისა და მრავალი სხვა ქვეყნის ხელოვნების მუზეუმებსა და კერძო კოლექციებში. მისი განსაკუთრებული ნიჭი წარმოჩინდა სახვითი ხელოვნების თითქმის ყველა დარგში: ფერწერასა და გრაფიკაში, პორტრეტსა და ქანდაკებაში, მონუმენტურ დეკორატიულ ხელოვნებაში, დაზგურ გრაფიკასა და ლითონმქანდაკებლობაში.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 267

• საქართველოს მხატვართა კავშირი, წევრი (1953-)

• სსრკ სახელმწიფო პრემია
• საქართველოს სახალხო მხატვარი