ზაქრო გუდავაძე

დაბადების ადგილი: ჩოხატაურის რაიონი, სოფელი ზენობანი.

სწავლობდა საქართველოს სახკინმრეწვის კინომსახიობთა სკოლაში 1929-1930წწ.

1930 წლიდან მუშაობდა სახკინმრეწვში რეჟისორის ასისტენტად, შემდეგ მეორე რეჟისორად იმუშავა ფილმებზე: "გაზაფხული საკენში" (1950), "მწვერვალთა დამპყრობნი" (1951), "ბაში–აჩუკი"(1956), "ხევისბერი გოჩა" (1964), "კაპიტნები" (1974); გადაღებული აქვს საბავშვო ფილმები: "მანანა" (1958) და "პაპა გიგია" (1960); ასევე დოკუმენტური ფილმი – "პამირის მწვერვალთა დამპყრობნი" (1955), რომელმაც 1956 წელს მონტევიდეოში დოკუმენტური და ექსპერიმენტული ფილმების II საერთაშორისო კინოფესტივალის დიპლომი დაიმსახურა; მიღებული აქვს სახელმწიფო ჯილდოები.

წყარო: საქართველო: ენციკლოპედია: ტ.2. – თბ., 2012. – გვ.177; ეროვნული ფილმოგრაფიის პორტალი : geocinema.ge

• 1961 - საქართველოს ხელოვნების დამსახურებული მოღვაწე