ნიკოლოზ გუდიაშვილი

დაბადების ადგილი: ქ. თბილისი.

დაამთავრა თბილისის სახელმწიფო კონსერვატორია 1937 წელს.

1937 წლიდან იყო პედაგოგი თბილისის სახელმწიფო კონსერვატორიაში, 1981 წლიდან კი პროფესორი; მუშაობდა თეატრალურ, სიმფონიურ კამერულ–საკრავიერ, კამერულ–ვოკალურ, საგუნდო და საესტრადო მუსიკის სფეროში; მას ეკუთვნის ოპერები: "ელისო" (ა. ყაზბეგის მიხედვით, 1944), "ქეთევან წამებული"(1960), "სისხლიანი სუფრა" (1971), "შურისძიება" (1971); 2 ბალეტი: "დედის მანდილი" (1951) და "ნარიყალას ციხესთან" (1958); ოპერეტები: "შეხვედრა აგარაკზე" (1950), "საჩუქარი"(1951), "სალხინობელი" (1953), "ვახშამზე"(1959); 4 სიმფონია (1944, 1949, 1968, 1980); 5 საფორტეპიანო კონცერტი (1941, 1946, 1948, 1961, 1980); სიმებიანი კვარტეტები, საფორტეპიანო კვინტეტი (1948); საფორტეპიანო სონატა (1950); 24 პრელუდია და ფუგა (1975); მისმა ხალხურ თემებზე შექმნილმა საესტრადო ჟანრის "ქართულმა ფანტაზიამ" დიდი პოპულარობა მოიპოვა 40–იანი წლებიდან ქართველ და კერძოდ, თბილისელ მუსიკის მოყვარულთა შორის; მიღებული აქვს სახელმწიფო ჯილდოები.

წყარო: საქართველო: ენციკლოპედია: ტ.2. – თბ., 2012. – გვ.188

• 1990 - საქართველოს სახალხო არტისტი
• 1961 - საქართველოს ხელოვნების დამსახურებული მოღვაწე

• პოლიფონია : მკაცრი სტილი (ავტორი). - თბილისი, განათლება, 1986. - 352გვ.