გიორგი ბერიძე

დაბადების ადგილი: სოფელი ქსოვრისი, მცხეთის რაიონი.

დაამთავრა საქართველოს სასოფლო–სამეურნეო ინსტიტუტი 1933 წელს; საკავშირო მევენახეობა-მეღვინოების ინსტიტუტის ასპირანტურა 1937 წელს; სსრკ მეცნიერებათა აკადემიის ა. ნ. ბახის სახელობის ბიოქიმიის ინსტიტუტის დოქტურანტურა 1952 წელს.

1926-1928წწ. მუხრანის სამკითხველოს გამგე; 1928-1930წწ. სოფელ ქსოვრისის დაწყებითი სკოლის მასწავლებლი; 1933-1934წწ. მუხრანისა და საჭამიასერის საბჭოთა მეურნეობების მეღვინე; 1937-1938წწ. საქართველოს მებაღეობის, მევენახეობისა და მეღვინეობის სამეცნიერო–კვლევით ინსტიტუტში ღვინის ტექნოლოგიის განყოფილების უფროსი მეცნიერ-მუშაკი; 1938-1941წწ. საქართველოს სასოფლო–სამეურნეო ინსტიტუტის მეღვინეობის კათედრის ასისტენტი, დოცენტი 1941-1943წწ. მონაწილეობდა დიდ სამამულო ომში; 1943-1973წწ. საქართველოს მებაღეობის, მევენახეობისა და მეღვინეობის სამეცნიერო–კვლევით ინსტიტუტში მეღვინეობის განყოფილების გამგე, დირექტორის მოადგილე სამეცნიერო ნაწილში; 1958-1965წწ. სამტრესტის მთავარი მეღვინე; 1976 წლიდან იყო საქართველოს მებაღეობის, მევენახეობისა და მეღვინეობის სამეცნიერო–კვლევით ინსტიტუტში ღვინის ტექნოლოგიის ლაბორატორიის მეცნიერ–კონსულტანტი. ტექნიკურ მეცნიერებათა დოქტორი(1955), პროფესორი(1956). მეცნიერი მეღვინეობის დარგში, მიღებული აქვს სახელმწიფო ჯილდოები.

წყარო: საქართველო: ენციკლოპედია: ტ.I.–თბ., 1997.–გვ.404; საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები/ ალექსანდრე ქურდაძე.-თბ.,1999. - გვ.121

• რუსეთის სამეცნიერო–ტექნიკური საზოგადოება, წევრი (1968-)

• 1961 - საქართველოს მეცნიერებისა და ტექნიკის დამსახურებული მოღვაწე

• კახური ღვინო (ავტორი). - თბილისი, საბჭ. საქართველო, 1970. - 115გვ.
• ქართული ღვინოებისა და კონიაკების დამზადების ტექნოლოგიური წესები (შემდგენელი). - თბილისი, საბჭ. საქართველო, 1969. - 376გვ.
• ქართული ღვინო და კონიაკი (ავტორი). - თბილისი, 1965. - 67გვ.
• ღვინის დაყენება, მოვლა და შენახვა (ავტორი). - თბილისი, საბჭ. საქართველო, 1961. - 75გვ.