არჩილ გულისაშვილი

დაბადების ადგილი: ქ. საგარეჯო.

დაამთავრა პეტერბურგის პოლიტექნიკური ინსტიტუტის მეტალურგიის ფაკულტეტი 1916 წელს.

სტუდენტობის პერიოდში დაიწყო მუშაობა პუტილოვოს ქარხანაში მუშად, შემდეგ ობუხოვის ქარხანაში ოსტატად; 1914 წელს დაინიშნა რუსეთის ვაჭრობისა და მრეწველობის სამინისტროს სამთო დეპარტამენტში უმცროს ინჟინრად; 1915 წელს ამავე სამინისტროს დავალებით შეუდგა სპეციალური შენადნობის დამზადებას; 1916 წელს ხელმძღვანელობდა ეკატერინებურგის მაზრის სოფელ ბოევკაში ვოლფრამიტის საბადოებზე ელექტრომეტალურგიული ქარხნის მშენებლობას და ორგანიზაციას უწევდა ახალი შენადნობების დამზადებას ურალის საბადოებზე; აქვე კითხულობდა ლექციებს; 1921 წელს დაბრუნდა სამშობლოში და დაინიშნა სპეციალისტ-კონსულტანტად სახალხო მეურნეობის უმაღლეს საბჭოში; პარალელურად ეწეოდა პედაგოგიურ მოღვაწეობას; 1928 წელს მონაწილეობდა თბილისის სახელმწიფო უნივერსიტეტიდან პოლიტექნიკური ფაკულტეტის გამოყოფასა და პოლიტექნიკური ინსტიტუტის დაარსებაში; იყო მეტალურგიის ფაკულტეტის დეკანი და კათედრის გამგე; 1948-1953წწ. საქართველოს პოლიტექნუკური ინსტიტუტის დირექტორის მოადგილე სასწავლო–სამეცნიერო ნაწილში; 1930 წლიდან გარდაცვალებამდე ხელმძღვანელობდა საქართველოს პოლიტექნუკური ინსტიტუტის მხაზველობითი გეომეტრიისა და საინჟინრო გრაფიკის კათედრას; ავტორია მეტალურგიის, მხაზველობითი გეომეტრიისა და მანქანათა ნაწილების სახელმძღვანელოებისა; მიღებული აქვს სახელმწიფო ჯილდოები; მეტალურგი, პროფესორი (1930).

წყარო: საქართველო: ენციკლოპედია: ტ.2. – თბ., 2012. – გვ.194

• 1944 - საქართველოს მეცნიერებისა და ტექნიკის დამსახურებული მოღვაწე
• 1923 - საპატიო სიგელი
  ყურძნის საწნეხი მანქანის გამოგონებისათვის

• მეთოდიური წერილი მხაზველობითი გეომეტრიის მეორე მოცემულობისათვის : სახელმძღვ. ინჟ. ა. გულისაშვილი, "მხაზველობითი გეომეტრია", 1927 წ. (ავტორი). - ტფილისი, პ/ტრ. 1-ლი სტ., 1933. - 2გვ.
• მეთოდიური წერილი მხაზველობითი გეომეტრიის პირველი მოცემულობისათვის (ავტორი). - ტფილისი, პ/ტრ. 1-ლი სტ., 1933. - 2გვ.
• მანქანათა ნაწილები (ავტორი) // ნაწ. 2.. - ტფილისი, სახელგამი, 1929. - 1000გვ.
• მეტალურგია (ავტორი) // 1 : ზოგადი ნაწილი.. - ტფილისი, სახელგამი, 1928. - 192გვ.