შალვა ნათელაშვილი

დაბადების ადგილი: დაბა ფასანაური, დუშეთის რაიონი.

დაამთავრა თბილისის სახელმწიფო უნივერსიტეტის იურიდიული ფაკულტეტი 1981 წელს; 1989 წელს სსრკ საგარეო საქმეთა სამინისტროს დიპლომატიური აკადემიის ასპირანტურა (მოსკოვი).

1981-1992წწ. იყო საქართველოს პროკურატურის სტაჟიორი, გამომძიებელი, განყოფილების პროკურორი, უფროსი პროკურორი, პარტკომის მდივანი, საერთაშორისო ურთიერთობათა განყოფილების უფროსი; 1992-1995წწ. საქართველოს მე-3 მოწვევის პარლამენტის წევრი, საარჩევნო ფორმა: მაჟორიტარული, მაჟორიტარი №5.28 დუშეთის ერთმანდატიანი საარჩევნო ოლქიდან; 1995 წელს ჩამოაყალიბა ლეიბორისტული პარტია; 1995-1999წწ. საქართველოს მე-4 მოწვევის პარლამენტის წევრი, საარჩევნო ფორმა მაჟორიტარული, მაჟორიტარი №28 დუშეთის საარჩევნო ოლქიდან; თბილისის საკრებულოს წევრი (2002, 2006); 2008-2012წწ. საქართველოს მე-7 მოწვევის პარლამენტის წევრი, საარჩევნო ბლოკი: "შალვა ნათელაშვილი - საქართველოს ლეიბორისტული პარტია", საარჩევნო ფორმა: პარტიული სიით; 2008 და 2013 წლებში იყო საქართველოს პრეზიდენტობის კანდიდატი; 2020-2022წწ. საქართველოს მე-10 მოწვევის პარლამენტის წევრი, საარჩევნო ბლოკი: "შალვა ნათელაშვილი - საქართველოს ლეიბორისტული პარტია", საარჩევნო ფორმა: პარტიული სიით. მიღებული აქვს აშშ-ს შტატ ლუიზიანას საპატიო ელჩის წოდება, იუსტიციის მრჩევლის საპროკურორო ჩინი.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 250;  საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ. 270; საქართველოს პარლამენტის ვებგვერდი: parliament.ge

• იურისტთა მსოფლიო ასოციაცია, წევრი
• საერთაშორისო სამართლის ასოციაცია, წევრი
• საქართველოს ლეიბორისტული პარტია, თავმჯდომარე (1995-)
• საქართველოს მე-10 მოწვევის პარლამენტი, წევრი (2020-2022)
• საქართველოს მე-3 მოწვევის პარლამენტი, წევრი (1992-1995)
• საქართველოს მე-3 მოწვევის პარლამენტის იურიდიული კომისია, თავმჯდომარე (1992-1995)
• საქართველოს მე-4 მოწვევის პარლამენტი, წევრი (1995-1999)
• საქართველოს მე-4 მოწვევის პარლამენტის ფრაქცია "ლეიბორისტი", თავმჯდომარე (1995-1999)
• საქართველოს მე-7 მოწვევის პარლამენტი, წევრი (2008-2012)