აკაკი ბერეკაშვილი

დაბადების ადგილი: სოფელი კურსები, ტყუბულის რაიონი.

სწავლობდა ქუთაისის რეალურ სასწავლებელში და პეტერბურგის უნივერსიტეტის ფიზიკა–მათემატიკის ფაკულტეტზე. სამოქალაქო ომის აქტიური მონაწილე; 1919 წელს იყო პეტროგრადის მეორე საარტილერიო კურსების კომისარი, 1920 წელს საარტილერიო აკადემიის სამხედრო კომისარი, 1921 წლიდან სამხედრო სკოლის კომისარი; 1921–1924წწ. მუშაობდა საქართველოში სამხედრო კომისრის მოადგილედ; 1924–1929წწ. სწავლობდა ლენინგრადის საარტილერიო აკადემიის მეტალურგიული განყოფილების მექანიკურ ფაკულტეტზე; მუშაობდა ინჟინრად ქარხანა "კრასნი პუტილოვეცში"; 1930–1936წწ. იყო შავი ლითონების საკავშირო სამეცნიერო–კვლევითი ინსტიტუტის დირექტორის მოადგილე ლენინგრადში, საბრძოლო მასალების სახალხო კომისარიატის სამეცნიერო კვლევითი ინსტიტუტის დირექტორი მოსკოვში. 1944 წლიდან იყო საქართველოში სსრკ სახელმწიფო საგეგმო კომისიის რწმუნებულის მოადგილეა; 1949–1951წწ. საქართველოს მინისტრთა საბჭოს ენერგეტიკისა და კაპიტალური მშენებლობების განყოფილების უფროსი. მიღებული აქვს სახელმწიფო ჯილდოები. 

წყარო: საქართველო: ენციკლოპედია: ტ.I.–თბ., 1997.–გვ.400

• კომუნისტური პარტია, წევრი (1917-)

• 1943 - სსრკ სახელმწიფო პრემია, საბრძოლო მასალების დამზადების ტექნოლოგიაში სიახლის დანერგვისათვის