ზურაბ ნადარეიშვილი

დაბადების ადგილი: ქ. ფოთი.

დაამთავრა საქართველოს სახელმწიფო პოლიტექნიკური ინსტიტუტის ენერგეტიკის ფაკულტეტი 1978 წელს; 1987 წელს თბილისის სახელმწიფო კონსერვატორიის კომპოზიციის ფაკულტეტი.

1987-1989წწ. იყო "ქართული ფილმის" მუსიკალური განყოფილების ხმის ოპერატორი; 1989-1993წწ. თბილისის მე-3 სამუსიკო სასწავლებლის პედაგოგი; 1993 წლიდან კონსერვატორიის პედაგოგი; 1996 წლიდან კინოსტუდია "კვალის" მუსიკალური რედაქტორი. არის ავტორი საფორტეპიანო და ინსტრუმენტული პიესებისა, ვარიაციებისა ფორტეპიანოსთვის (1986), ოთხი პიესისა სიმებიანი კვარტეტისთვის(1986), სიმფონიური პოემისა(1989), "საგალობლების" ინსტრუმენტული ანსამბლისთვის(1990), მუსიკის კინოსა და ანიმაციური ფილმებისთვის, სპექტაკლებისთვის.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 247