ივა ბერაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1964 წელს.

1964-1966 წლებში მუშაობდა ყვარელში ექიმ-ოფთალმოლოგად, 1966 წლიდან იყო თბილისის ექიმთა დახელოვნების ინსტიტუტის (შემდგომში - სახელმწიფო სამედიცინო აკადემია) ასპირანტი, უმცროსი, შემდეგ, უფროსი ლაბორანტი, ასისტენტი, დოცენტი, პროფესორი, 1988 წლიდან - თვალის სნეულებათა კათედრის გამგე. 1999-2004 წლებში - სახელმწიფო სამედიცინო აკადემიის პრორექტორი სამეცნიერო დარგში, 2004 წლიდან - აკადემიის მაგისტრატურა-დოქტორანტურის დეპარტამენტის თავმჯდომარე, 1991-2000 წლებში - რესპუბლიკური ოფთალმოლოგიის ცენტრის დირექტორი. მედიცინის მეცნიერებათა დოქტორი (1981), პროფესორი (1988).

წყარო: საქართველო: ენციკლოპედია: ტ.I.–თბ., 1997.–გვ.398; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.146; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.343

• საქართველოს სამედიცინო–ბიოლოგიურ მეცნიერებათა აკადემია, წევრი (1994-)
• სს ოფთალმოლოგიისა და ნევროლოგიის ეროვნული ცენტრის სამეთვალყურეო საბჭო, თავმჯდომარე (2001-)

• 2014 - თბილისის საპატიო მოქალაქე
• 2002 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  მედიცინის მეცნიერებათა დარგში შესრულებულ შრომათა ციკლისათვის - "თვალის მიკროქირურგიის დანერგვა და განვითარება საქართველოში 1970-1999 წლებში"
• 2000 - ღირსების ორდენი