ნანა გელაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1971 წელს.

1969–1971წწ. იყო თეთრიწყაროს რაიონის საავადმყოფოს ნევროლოგ–ორდინატორი; 1971–1980წწ. თბილისის სახელმწიფო სამედიცინო ინსტიტუტის პედიატრიული, სან. ჰიგიენური და სტომატოლოგიური ფაკულტეტების ნერვულ სნეულებათა კათედრის უფროსი ლაბორანტი; 1980–1992წწ. ასისტენტი; 1992 წლისდან კათედრის დოცენტი. ავტორია 47 სამეცნიერო ნაშრომის. გამოქვეყნებული აქვს მონოგრაფია. არის პროფ. გ. ჟვანიას სახელობის პედიატრიული კლინიკის ნერვული განყოფილების კურატორი და ამავე კლინიკის კარდიორევმატოლოგიური და ენდოკრინოლოგიური განყოფილების კონსულტანტი. ექიმი-ნევროლოგი, მედიცინის მეცნიერებათა დოქტორი (1999), პროფესორი (2004).

საკანდიდატო დისერტაციის თემა - "ფენობარბიტალის ზოგიერთი ფარმაკოდინამიკური თავისებურებები ეპილეფსიის მკურნალობის დროს ბავშვებში", დაიცვა 1984 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.60; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.312; სამედიცინო ცენტრი "ციტო": cito.ge

• აკადემიკოს პ. ქავთარაძის სახელობის საქართველოს ნევროლოგთა ასოციაცია, წევრი
• ევროპის ნევროლოგთა საზოგადოება, კორპორაციული წევრი
• ეპილეფსიასთან მებრძოლი საერთაშორისო ლიგა, წევრი
• თბილისის ნევროლოგთა საზოგადოება, გამგეობის წევრი
• ნევროლოგთა და ფსიქიატრთა თბილისის ეროვნული სამეცნიერო საზოგადოება, წევრი
• ს. ყიფშიძის სახელობის ნევროლოგთა ასოციაცია, გამგეობის წევრი
• საქართველოს ათეროსკლეროზის ასოციაცია, წევრი
• საქართველოს პროფესიონალ ქალთა ასოციაციის "100 ქართველი ქალი“, წევრი

• ეპილეფსიის სამკურნალო საშუალებანი (თანაავტორი). - თბილისი, მედიცინა, 1995. - 132გვ.