სოლომონ გულისაშვილი

დაბადების ადგილი: საგარეჯოს რაიონი, სოფელი გიორგიწმინდა.

დაამთავრა ნოვოროსიის(ოდესა) უნივერსიტეტის ბუნებისმეტყველების ფაკულტეტი 1901 წელს.

მუშაობდა ბაქოს ნავთის სარეწებზე; 1907-1923წწ. საბუნებისმეტყველო საგნებს ასწავლიდა თბილისის ქართულ გიმნაზიაში; შემდეგ დაინიშნა საგარეჯოს ახლად გახსნილი 9–კლასიანი სკოლის ხელმძღვანელად და საბუნებისმეტყველო საგნების მასწავლებლად; 1918 წლიდან ხელმძღვანელობდა საგარეჯოს განათლების განყოფილებას, პედაგოგიურ კაბინეტებს და სხვადასხვა პედაგოგიურ–მეთოდურ სექციას; ჟურნალ "ნაკადულში" განაგებდა საბუნებისმეტყველო განყოფილებას; აქტიურად მონაწილეობდა ქართველთა შორის წერა–კითხვის გამავრცელებელი საზოგადოების მუშაობაში; მისი რედაქციით ქართულ ენაზე პირველად გამოვიდა სასწავლო გეოგრაფიული ატლასი და ნახევარსფეროების რუკა; მიღებული აქვს სახელმწიფო ჯილდოები.

წყარო: საქართველო: ენციკლოპედია: ტ.2. – თბ., 2012. – გვ.195

• ქართველთა შორის წერა–კითხვის გამავრცელებელი საზოგადოება, ნამდვილი წევრი (1915-)

• 1939 - საქართველოს დამსახურებული მასწავლებელი
• ლენინის ორდენი, "1941–1945 წლების დიდ სამამულო ომში მამაცური შრომისათვის"
• სამკერდე ნიშანი "სახალხო განათლების წარჩინებული"