გერშონ ბენ–ორენი

დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი 1963 წელს.

1972 წელს საცხოვრებლად ისრაელში გადავიდა. მუშაობდა იერუსალიმის ბენ–ცვის სახელობის ინსტიტუტში (რომელიც ებრაელთა დიასპორის საკითხებს შეისწავლის) და ქალაქ ლოდში  ჰაბერმანის სახელობის ლიტერატურის კვლევის ინსტიტუტში. იკვლევდა  ქართველ ებრაელთა ენას, ლიტერატურასა  და ისტორიას. მისი ინგლისურ ენაზე გამოქვეყნებული სტატია "საქართველოს ებრაელთა ისტორია კომუნისტურ რეჟიმამდე" დაიბეჭდა მისივე კონსულტაციით გამოცემულ წიგნში "ოქროს საწმისის ქვეყანაში. საქართველოს ებრაელთა ისტორია და კულტურა" (თელ–ავივი, 1992 წელი). აღსანიშნავია გერშონ ბენ–ორენის გამოკვლევები ქართველ ებრაელთა მეტყველების შესახებ, ებრაულ–ქართული და ქართულ–ებრაული საენათმეცნიერო ლექსიკონი. ქართულ–ებრაული კულტურულ–ისტორიული ურთიერთობის თვალსაზრისით განსაკუთრებით მნიშვნელოვანია ებრაული ბიბლიის ქართული თარგმანი (ხუმაში, თორას ხუთწიგნეული). ებრაელი აღმოსავლეთმცოდნე–სემიტოლოგი.

წყარო: საქართველო: ენციკლოპედია: ტ.I.–თბ., 1997.–გვ.397

• 1994 - ივანე მაჩაბლის სახელობის პრემია
  ებრაული ბიბლიის ქართული თარგმანისათვის(ხუმაში, თორას ხუთწიგნეული).

• ქართველები იერსალიმში XVI საუკუნის სამი არაბული დოკუმენტის მიხედვით : საქ. მეცნ. აკად., ქართ.-ებრაულ ურთიერთ. ასოციაცია. (თანაავტორი). - თბილისი, მეცნიერება, 1991. - 36გვ.
• ხუმაში ქართულ ენაზე : შეიცავს 5 ტომს (მთარგმნელი). - თელ-ავივი, 1989