გიორგი გუნია

დაბადების ადგილი: ქ. თბილისი.

დაამთავრა თბილისის სამხატვრო აკადემია 1966 წელს.

1970-1982წწ. ეწეოდა პედაგოგიურ საქმიანობას თბილისის სამხატვრო აკადემიაში; 1980-1992წწ. მუშაობდა საქართველოს სახელმწიფო ფილარმონიაში მთავარ მხატვრად; 1987-1996წწ. მხატვართა კავშირის გამგეობის პირველ მდივნად; 1990 წლიდან შოთა რუსთაველის სახელობის თეატრისა და კინოს უნივერსიტეტში; 1992 წელს ამავე უნივერსიტეტში დაარსა თეატრალურ–დეკორაციული ფაკულტეტი; ეწეოდა აქტიურ საზოგადო მოღვაწეობას; აქვეყნებდა ქართული სცენოგრაფიის სკოლისადმი მიძღვნილ სტატიებს, აფორმებდა გამოფენებს და სადღესასწაულო კონცერტებს; 1964 წლიდან გააფორმა 70–ზე მეტი სპექტაკლი საქართველოსა და საზღვარგარეთის თეატრებში: ჟ. ანუის "ანტიგონე" (1968), ჟ. პ. სარტრის "ეშმაკი და უფალი ღმერთი" (1995), მ. მრევლიშვილის "წმ. შუშანიკის წამება" (1968), ვ. რასპუტინის "იცოცხლე და გახსოვდეს" (1983), კ. მახარაძის "ბაგრატიონები" (1994), ბ. ბრეხტის "სამგროშიანი ოპერა" (1964); სცენოგრაფი.

წყარო: საქართველო: ენციკლოპედია: ტ.2. – თბ., 2012. – გვ.205

• 1989 - საქართველოს სახალხო მხატვარი

• ნიკო ფიროსმანიშვილი = Нико Пиросманишвили : ხუთი ფერადი და ორმოცდარვა ერთფერიანი რეპროდუქციით (რედაქტორი). - თბილისი, შპს "გიზო", 1996. - 205გვ.