ნონა გუნია

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1941 წელს.

1940-1959წწ. მუშაობდა საქართველოს სიმღერისა და ცეკვის სახელმწიფო აკადემიურ ანსამბლში, საქართველოს ფილარმონიის ჯაზ–ორკესტრების კოლექტივებში სოლისტ მოცეკვავედ; 1962-1999წწ. საქართველოს თეატრალური საზოგადოების, მუსიკალური თეატრებისა და ქორეოგრაფიის შემოქმედებითი კაბინეტის გამგედ; 1991-1998წწ. იყო ქართული ენციკლოპედიის ხელოვნების რედაქციის კონსულტანტი ბალეტის დარგში, ქორეოგრაფიული სექციის თავმჯდომარე და არაერთი სტატიის ავტორი; მისი შესრულებული ცეკვებიდან აღსანიშნავია: "ქართული", "განდაგანა", "ხევსურული", "ქისტური" და საესტრადო – "რუმბა", "ლირიკური ცეკვა", "აღმოსავლური ცეკვა".

წყარო: საქართველო: ენციკლოპედია: ტ.2. – თბ., 2012. – გვ.206

• 1956 - საქართველოს დამსახურებული არტისტი
• 1939 - ესტრადის მსახიობთა პირველი საკავშირო კონკურსის ლაურეატი
• 1937 - ოქროს მედალი, ცეკვა "ქართულის" საუკეთესო შესრულებისათვის