ნიკოლოზ ბელაქნელი

დაბადების ადგილი: ქ. ქუთაისი.

დაამთავრა თბილისის სახელმწიფო კონსერვატორია 1930 წელს.

1934–1935წწ. მოღვაწეობდა ბაქოში; 1935–1936წწ. ლენინგრადის "პერედვიჟნიკების" საოპერო თეატრში; 1936–1938წწ. წ ხაბაროვსკის, ლუგანსკის და დნეპროპეტროვსკის საოპერო თეატრებში; 1939–1959წწ. იყო თბილისის ოპერისა და ბალეტის თეატრის მსახიობი; ასრულებდა დრამატული  ტენორის მთავარ პარტიებს: აბესალომი, რატი (ზ. ფალიაშვილის "აბესალომ და და ეთერი", "ლატავრა"), ლექსო (გ. კილაძის "ლადო კეცხოველი"), გელა (ი. ტუსკიას "სამშობლო"), გურამი (ვ. გოკიელის "პატარა კახი"), ტარიელი (შ. მშველიძის "ამბავი ტარიელისა"), ბაში-აჩუკი (ა. კერესელიძის "ბაში-აჩუკი"), ონისე (შ. აზმაიფარაშვილის "ხევისბერი გოჩა"), ოტელო, მანრიკო, რადამესი (ჯ. ვერდის "ოტელო", "ტრუბადური", "აიდა"), რაული (ჯ. მაიერბეერის "ჰუგენოტები"), გერმანი (პ. ჩაიკოვსკის "პიკის ქალი"), ხოზე (ჟ. ბიზეს "კარმენი"), კავარადოსი (ჯ. პუჩინის "ტოსკა"), გრიგორი მელეხოვი (ი. ძერჟინსკის "წყნარი დონი"). 1960–1964წწ. იყო საქართველოს სახელმწიფო ფილარმონიის სოლისტი; 1964–1978წწ. ეწეოდა პედაგოგიურ მოღვაწეობას თბილისის მ. ბალანჩივაძის სახელობის მე–3 სამუსიკო სასწავლებელში. 

წყარო: საქართველო: ენციკლოპედია: ტ.I.–თბ., 1997.–გვ.393

• 1951 - საქართველოს სახალხო არტისტი