იოსებ გუნცაძე

საბადების ადგილი: ზესტაფონის რაიონი, სოფელი კვალითი.

დაამთავრა მონპელიეს(საფრანგეთი) აგრონომიული ინსტიტუტი 1887 წელს.

1908 წელს ზესტაფონში დაარსა სამომხმარებლო–საკრედიტო ამხანაგობა "იმერეთი", რომელსაც 1923 წლამდე ხელმძღვანელობდა; სისტემატურად თანამშრომლობდა ქართულ და რუსულ პერიოდულ პრესასთან; ეწეოდა სასოფლო–სამეურნეო საქმიანობას; აღმოაჩინა ვაზის დაავადება ჭრაქი; შეიმუშავა ბორდოს ხსნარის დასამზადებელი რეცეპტი და დაიწყო ვაზის შეწამლა; ფილოქსერის წინააღმდეგ პირველმა დაამყნო ამერ. საძირეზე ვაზი, რაც ფართოდ დაინერგა მევენახეობაში; საზღვარგარეთიდან შემოიტანა ახალი გაუმჯობესებული სასოფლო–სამეურნეო მანქანა–იარაღები, ხელსაწყოები და აპარატები; სასოფლო–სამეურნეო პროპაგანდის მიზნით ატარებდა საცდელ–საჩვენებელ სამუშაოებს, ექსპერიმენტებს, აჩვენებდა ახალ აგროტექნიკულ წესებს; ევროპელ მოწინავე მეღვინეთა გამოცდილების საფუძველზე ატარებდა სადემონსტაციო ცდებს ღვინის ტექნოლოგიის საკითხებზე; შეიმუშავა ქართული ვაზის ჯიშებისაგან ღვინის დაყენების რამდენიმე ხერხი; გამოქვეყნებული აქვს ნაშრომები; აგრონომი.

წყარო: საქართველო: ენციკლოპედია: ტ.2. – თბ., 2012. – გვ.207