იური მეჩითოვი

დაბადების ადგილი: ქ. თბილისი.

დაამთავრა საქართველოს სახელმწიფო პოლიტექნიკური ინსტიტუტის სამთო ფაკულტეტი 1972 წელს.

1972-1975წწ. იყო "საქგიპროშახტის" ინჟინერი; 1975-1980წწ. პროფსაბჭოს კინომოყვარულთა სტუდიის მეთოდისტი; 1980-1990წწ. ჰიდრომეტეოროლოგიის ინსტიტუტის ფოტოგრაფი; 1986 წლიდან გაზეთ"ქართული ფილმის" ფოტოკორესპონდენტი; 1992-1996წწ. რუსთაველის თეატრის ფოტოგრაფი;  1996-2002წწ. "ფოტობანკის" ერთ-ერთი ხელმძღვანელი; 1998-2002წწ. კულტურის ინსტიტუტის მხატვრული ფოტოგრაფიის პედაგოგი; 2002 -2004წწ. "მთავარი გაზეთის" ფოტორედაქტორი; 2008–2010წწ. შოთა რუსთაველის სახელობის თეატრისა და კინოს სახელმწიფო უნივერსიტეტის კინოფაკულტეტის ასოცირებული პროფესორი; 2011 წელს დაარსა და მუშაობდა ლექტორად "მეჩითოვი დეისაძის
ფოტოსახელოსნოში"; 2012 წელს კულტურისა და ძეგლთა დაცვის მინისტრის მოადგილე. ორასამდე ჯგუფური და პერსონალური ფოტოგამოფენის მონაწილეა საქართველოსა და მის ფარგლებს გარეთ; მუშაობდა  მთელ რიგ გამოცემებზე, როგორც დიზაინერი, ფოტოგრაფი და ფოტორედაქტორი; არის ბევრი ფოტოგრაფიული პროექტის ავტორი, მათ შორის აღსანიშნავია მსოფლიო ბანკის დაკვეთით განხორციელებული 5 პროექტი; პოლიტიკური, საზოგადოებრივი და შემოქმედებითი ხასიათის პუბლიკაციების და ასევე რამდენიმე პროზაული ნაწარმოებების ავტორია. გადაღებულია რამდენიმე მხატვრულ და დოკუმენტურ ფილმში. 

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 229

• "ღია საზოგადოება საქართველო", ბორდის წევრი (1995-1996)
• საზოგადოებრივი ორგანიზაცია "საქართველოს ხალხის კონგრესი", ერთ-ერთი დამფუძნებელი (1992-)