ოთარ მეღვინეთუხუცესი

დაბადების ადგილი: ქ. თბილისი.

დაამთავრა საქართველოს სახელმწიფო თეატრალური ინსტიტუტის სამსახიობო ფაკულტეტი 1954 წელს.

1954-1967წწ. იყო კოტე მარჯანშვილის სახელობის თეატრისა და 1967-1975წწ. რუსთავის სახელობის დრამატული თეატრის მსახიობი; 1975 წლიდან კვლავ მარჯანიშვილის თეატრის მსახიობია; 1995 წლიდან ამავე თეატრის სამხატვრო ხელმძღვანელი. კოტე მარჯანიშვილის დრამატული თეატრში შესრულებული როლები: ვეზირი(ნაზიმ ჰიქმეთი, "ლეგენდა სიყვარულზე"), გიჟი რევაზი(ილია ჭავჭავაძე "კაცია ადამიანი?!"), ქარიყლაპია(ვალერიან კანდელაკი, "მაია წყნეთელი"), ჩონთა(ვაჟა-ფშაველა "მოკვეთილი"), ლორდ ლეველი(უილიამ შექსპირი, "რიჩარდ მესამე"), ოიდიპოსი(სოფოკლე, "ოიდიპოს მეფე"), რომულუს ავგუსტუსი(ფრიდრიხ დიურენმატი, "რომულუს დიდი") ოტელო(უილიამ შექსპირი "ოტელო") და სხვ.; რუსთავის სახელმწიფო დრამატული თეატრი: სირანო(ედუარდ როსტანი, "სირანო დე ბერჟერაკი"), ნიკოლოზ პირველი(ვადიმ კოროსტილევი "ასის წლის შემდეგ"), სატინი(მაქსიმ გორკი, "ფსკერზე") და სხვ.; მოსკოვის სამხატვრო თეატრი: კრეონი(ჟან ანუი "ანტიგონე", რეჟ.: თემურ ჩხეიძე); შესრულებული აქვს 20-მდე კინო როლი: ჯამბულატი("ფატიმა" ), გიგა ბეთანელი("კეთილი ადამიანები"), ჯოყოლა("ვედრება"), მეფე გიორგი("დიდოსტატის მარჯვენა"), არზაყანი("მთვარის მოტაცება"), ელიოზი("ნატვრის ხე") , დათა("დათა თუთაშხია"), ისიდორე("თეთრი ბაირაღები") და სხვ. 

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 229; ეროვნული ფილმოგრაფია: geocinema.ge; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.35

• თეატრის მოღვაწეთა კავშირი, წევრი
• რუსთაველის საზოგადოება, წევრი
• საქართველოს კინემატოგრაფისტთა შემოქმედებითი კავშირი, წევრი

• 2001 - რუსეთის თეატრალური სფეროსა და ბიზნეს სამყაროს პრემია "კუმირი"
• 2001 - რუსეთის თეატრალური საზოგადოების პრემია "თოლია"
• 2001 - საქართველოს სახელმწიფო პრემია
• 2000 - ღირსების ორდენი
• 1998 - შოთა რუსთაველის სახელობის სახელმწიფო პრემია
• 1997 - ღირსების ორდენი
• 1997 - სტანისლავსკის სახელობის რუსეთის სახელმწიფო პრემია
• 1991 - ტოკიოს IV-ე საერთაშორისო კინოფესტივალის პრემია , მამაკაცის როლის საუკეთესო შესრულებისათვის დ. ასტრახანის ფილმში "განვედ ჩემგან"
• 1981 - საქართველოს სახელმწიფო პრემია, დათა თუთაშხიას როლისთვის
• 1979 - სსრკ სახალხო არტისტი
• 1977 - კოტე მარჯანიშვილის სახელობის პრემია, თეატრის დარგში გაწეული ღვაწლისთვის
• 1973 - საქართველოს სახალხო არტისტი
• 1964 - საქართველოს დამსახურებული არტისტი
• ტოკიოს კინოფესტივალის საერთაშორისო პრემია, მამაკაცის როლის საუკეთესო შესრულებისთვის ფილმში "იზიდი"