გურანდუხტი

X საუკუნის I ნახევრის პოლიტიკური მოღვაწე, გიორგი II-ის აფხაზთა მეფის (922-957) ასული, გურგენ მეფეთა მეფის (994-1008) მეუღლე, ბაგრატ III-ის (975-1014) დედა; 975 წელს საქართველოს გაერთიანების მოწინააღმდეგე ქართლის დიდებული აზნაურები დაუკავშირდნენ კახეთის დიდებულებს, რომელთაც უფლისციხეში მყოფი გურანდუხტი ქმარშვილიანად შეიპყრეს და კახეთში წაიყვანეს; ამის საპასუხოდ დავით III დიდი კურაპალატი თრიალეთში წავიდა ლაშქრით, რათა შეჭრილიყო კახეთში, მაგრამ კახელებმა დავითს მოციქული მიუგზავნეს და ტყვეები გაათავისუფლეს; 70-იანი წწ. ბოლოსა და 80 წწ. დასაწყისში, ბაგრატ III-ის დასავლეთ საქართველოში ყოფნის დროს, გურანდუხტი განაგებდა ქართლს, რომლის პოლიტიკური ცენტრი უფლისციხე იყო.

წყარო: საქართველო: ენციკლოპედია: ტ.2. – თბ., 2012. – გვ.210