დავით ბებუთოვი

დაბადების ადგილი: ქ. თბილისი.

1811 წელს ხერსონის პოლკში ჩაირიცხა იუნკრად; 1814 წელს მონაწილეობდა რუსეთის არმიის საზღვარგარეთის ლაშქრობაში; 1829 წლიდან კავკასიაში მსახურობდა; 1832 წელს მონაწილეობა მიიღო ჩეჩნეთის სამხედრო ექსპედიციაში; 1834 წელს ფელდ-მარშალ თ. პასკევიჩის ხელქვეით მყოფი კავკასიის პოლკების ნაკრებთან ერთად პოლონეთში გაემგზავრა; 1838 წელს  მიიღო პოლკოვნიკის ჩინი; 1853–1856წწ. მონაწილეობდა ყირიმის ომში, შემდეგ პოლონეთში მსახურობდა. აქვე მიიღო გენერალ-მაიორის, შემდეგ გენერალ-ლეიტენანტის წოდება. სიცოცხლის ბოლო წლებში იყო ქ. ვარშავის სამხედრო კომენდანტი. გარდაიცვალა ვარშავაში.

წყარო: საქართველო: ენციკლოპედია: ტ.I.–თბ., 1997.–გვ.386; ქართველები პოლონეთში / ამბროსი გრიშიკაშვილი.-თბ.,2008.-გვ.188