ირაკლი მენაღარიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი სამკურნალო საქმის სპეციალობით 1974 წელს.

 1971-1973წწ. იყო თბილისის სახელმწიფო სამედიცინო ინსტიტუტის სამკურნალო ფაკულტეტის ალკკ კომიტეტის მდივანი; 1973-1975წწ. სამედიცინო ინსტიტუტის ალკკ კომიტეტის მდივანი; 1975-1978წწ. საქართველოს ალკკ თბილისის ორჯონიკიძის რაიკომის პირველი მდივანი; 1978-1980წწ. საქართველოს ალკკ ცენტრალური კომიტეტის განყოფილების გამგე; 1980-1982წწ. თბილისის ჯანდაცვის სამმართველოს უფროსი; 1982-1986წწ. საქართველოს ჯანდაცვის მინისტრის პირველი მოადგილე; 1986-1991წწ. საქართველოს ჯანდაცვის მინისტრი; 1991-1992წწ. სტრატეგიული გამოკვლევის ცენტრის დირექტორი; 1992 წელს საქართველოს სახელმწიფო საბჭოს საერთაშორისო ჰუმანიტარული დახმარების კოორდინატორი; 1992-1993წწ. საქართველოს ჯანდაცვის მინისტრი; 1993-1995წწ. საქართველოს პრემიერ-მინისტრის მოადგილე; 1995-2003წწ. საქართველოს საგარეო საქმეთა მინისტრი. მინიჭებული აქვს საგანგებო და სრულუფლებიანი ელჩის რანგი; ბრწყინვალების საპრეზიდენტო ორდენი (2018). 1989 წელს 9 აპრილის მოვლენებთან დაკავშირებით მიიღო აქტიური მონაწილეობა სასამართლო-სამედიცინო საექსპერტო გამოკვლევებში.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 225; საქართველოს საგარეო საქმეთა სამინისტროს ვებ გვერდი: mfa.gov.ge; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• 2018 - ბრწყინვალების საპრეზიდენტო ორდენი