მიხეილ ბახტაძე

დაბადების ადგილი: ქ. თბილისი.

1938–1954წწ. იყო თბილისის პლეხანოვის სახ. კლუბთან არსებული ბავშვთა ხალხური ცეკვის ანსამბლის ხელმძღვანელი; 1943–1951წწ. საქართველოს შრომითი რეზერვების სამმართველოს სიმღერისა და ცეკვის ანსამბლის ქორეოგრაფი. 1946 წლიდან ამიერკავკასიის რკინიგზის სამმართველოს მხატვრული აღზრდისა და ტექნიკური პროპაგანდის სახლის სიმღერისა და ცეკვის ანსამბლის ხელმძღვანელი. 1948–1951 წლებში იყო საქართველოს შოთა რუსთაველის სახ. თეატრალური ინსტიტუტის პედაგოგი. 1949–1956წწ. თბილისის ტრამვაი–ტროლეიბუსების სამმართველოს სიმღერისა და ცეკვის ანსამბლის ქორეოგრაფი. 1982 წლიდან საქართველოს რკინიგზელთა კულტურის სასახლის დირექტორი. მისი მნიშვნელოვანი საცეკვაო დადგმებია: "საზეიმო სუიტა", "საკოლმეურნეო საზეიმო", "დიდ შესვენებაზე", "სკოლის ეზო".

წყარო: საქართველო: ენციკლოპედია: ტ.I.–თბ., 1997.–გვ.383; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.435; ქართული ხალხური ქორეოგრაფიის მოღვაწენი / გიორგი სუხიშვილი.-თბ.,1988.-გვ.27-28

• 1996 - ღირსების ორდენი
  ქართული ხელოვნებისა და კულტურის დარგში შეტანილი მნიშვნელოვანი წვლილისა და ახალგაზრდა თაობების აღზრდის საქმეში დიდი დამსახურებისათვის
• 1951 - საქართველოს ხელოვნების დამსახურებული მოღვაწე