სოსო ბახტაძე

დაბადების ადგილი: სოფელი კუხი, ხონის რაიონი.

დაამთავრა თბილისის სამხატვრო აკადემია 1955 წელს.

ეწეოდა პედაგოგიურ მოღვაწეობას თბილისის სამხატვრო აკადემიაში; მუშაობდა მსუბუქი მრეწველობის ნაწარმის მხატვრულ–კომპლექსური გაფორმების დარგში; მონაწილეობდა თბილისის (1970), ნოვოროსიისკის (1972), სანქტ–პეტერბურგის (1976) მხატვრულ–კომპლექსური, აგრეთვე საქართველოს მეცნიერებათა აკადემიის პრეზიდიუმის შენობის გაფორმებაში. მისი ნამუშევრები ინახება საქართველოს ხელოვნების მუზეუმში, ქუთაისის, თერჯოლის და სხვა ქალაქების სამხატვრო გალერეებსა და მუზეუმებში. ფერმწერი.

წყარო: საქართველო: ენციკლოპედია: ტ. I .–თბ., 1997.–გვ.383; სოსო ბახტაძე : ხსოვნა // საქართველოს რესპუბლიკა. - თბილისი, 2005. - 5 ივნისი. - N132 (5165). - გვ.8

• საქართველოს ჰუმანიტარულ და სახელოვნებო მეცნიერებათა აკადემია, აკადემიკოსი

• 1986 - საქართველოს დამსახურებული მხატვარი
• საქართველოს კულტურის დამსახურებული მუშაკი
• ღირსების ორდენი