ილია ბახტაძე

დაბადების ადგილი: ქ. ხონი.

სწავლობდა ქუთაისის გიმნაზიაში. იყო პეტერბურგის უნივერსიტეტის თავისუფალი მსმენელი. მისი პირველი წერილი გამოქვეყნდა 1876 წელს. პეტერბურგში ყოფნისას თანამშრომლობდა რუსულ პრესაში("პორიადოკი", "სტრანა"). 1881 წელს "დროებაში"  დაიბეჭდა ბახტაძის პეტერბურგიდან გამოგზავნილი წერილი "ვიცინოთ თუ ვიტიროთ?". ავტორი დასცინოდა იმპერატორ ალექსანდრე III-ის კურთხევაზე წარგზავნილ ქუთაისის გუბერნიის თავად-აზნაურთა დელეგაციას, რომელმაც მოითხოვა, მოკლული იმპერატორის ალექსანდრე II-ის სამახსოვრო ვენზელის ტარება. სხვადასხვა დროს თანამშრომლობდა ჟურნალ-გაზეთებში "კავკაზი", "დროება", "ივერია", "ნოვოე ობოზრენიე", "კვალი", "მოამბე", სატირულ-იუმორისტული ფელეტონების სერიაში "საკვირაო სხარტულა", "სახელდახელო", "კვირის საუბარი", "კვირის სურათები"  ამხელდა იმდროინდელი საზოგადოებრივი ცხოვრების ნაკლოვანებებს. მან თარგმნა მ. სალტიკოვ–შჩედრინის, ა. ბუვიეს, ე. ზოლას, ა. დოდეს  და სხვების თხზულებანი. მთარგმნელი.

წყარო: საქართველო: ენციკლოპედია: ტ.I.–თბ., 1997.–გვ.383