მანუჩარ მაჩაიძე

დაბადების ადგილი: ქ. ამბროლაური.

დაამთავრა თბილისის სახელმწიფო პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1975 წელს.

1982-1983წწ. მუშაობდა სამშენებლო ტრესტ "საქკურორტმშენში" მატერიალურ-ტექნიკური მომარაგების სამმართველოს უფროსად; 1983-1987წწ. ამიერკავკასიის რკინიგზის სამშენებლო ტრესტის მმართველის მოადგილედ; 1987-1988წწ. სამშენებლო გაერთიანება "საქაგრომშენის" N1 სამშენებლო-სარემონტო ტრესტისა და 1988-1995წწ. ლილოს N2 რკინაბეტონის ნაკეთობათა ქარხნების დირექტორად; 1966-1980წწ. იყო თბილისის "დინამოს" ოსტატ ფეხბურთელთა გუნდის ერთ-ერთი ლიდერი და სახელგანთქმული ფეხბურთელი; თამაშობდა ნახევარმცველის პოზიციაზე, თბილისის "დინამოს" კაპიტანი; 1968-1980წწ. თბილისის "დინამოს", 1969 წელს თბილისის "ლოკომოტივის", 1980 წელს ტაშკენტის "ფახთაქორის", 1981 წელს მოსკოვის "სპარტაკის", 1981-1982წწ. ქუთაისის "ტორპედოს" საყრდენი ნახევარმცველი; 1974-1979წწ. საბჭოთა კავშირის ნაკრების წევრი; 1982 წელს საქკურორტმშენის მტმ-ის უფროსი; 1983-1988წწ. ამიერკავკასიის სამშენებლო ტრესტის მმართველის მოადგილე; 1989-1992წწ. ლილოს N2 რკინა-ბეტონის ქარხნის დირექტორი; 1992 წლიდან ლილოს N2 რკინა-ბეტონის ქარხნის მფლობელი; 1995-1999წწ. საქართველოს მე-4 მოწვევის პარლამენტის წევრი, საარჩევნო ფორმა: მაჟორიტარული, მაჟორიტარი №9 ნაძალადევის საარჩევნო ოლქიდან; 2002-2006წწ. ქ. თბილისის საკრებულოს წევრი; 2014-2018წწ. თბილისის საკრებულოს წევრი: პროპორციული წესით, "საქართველოს პატრიოტთა ალიანსი". სსრკ ჩემპიონატის ბრინჯაოს პრიზიორი (1971, 1972, 1976), სსრკ ვიცე-ჩემპიონი (1977), სსრკ ხალხთა სპარტაკიადის ვერცხლის პრიზიორი (1979), სსრკ თასის მფლობელი (1979). ინჟინერ-მშენებელი, ტექნიკურ მეცნიერებათა დოქტორი.

საკანდიდატო დისერტაციის თემა - "გარსთა თეორია", დაიცვა 1997 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 218; საქართველოს არქიტექტორთა და მშენებელთა ენციკლოპედია. -თბ., 2017.-გვ.378-379; საქართველოს პარლამენტის წევრები 1990-2015/კობა ამირხანაშვილი.- თბ., 2015.- გვ.240; საქართველოს პარლამენტის ვებგვერდი: parliament.ge; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.89

• საქართველოს მე-4 მოწვევის პარლამენტი, წევრი (1995-1999)
• საქართველოს მე-4 მოწვევის პარლამენტის განათლების, მეცნიერებისა და კულტურის კომიტეტი, ქვეკომიტეტის თავმჯდომარე (1995-1999)
• საქართველოს მე-4 მოწვევის პარლამენტის საქართველოს ტერიტორიული მთლიანობისათვის ბრძოლაში უგზო-უკვლოდ დაკარგულთა მოკვლევის დროებითი კომისია, წევრი (1995-1999)
• საქართველოს მე-4 მოწვევის პარლამენტის ფრაქცია "მაჟორიტარი - სოციალისტი", წეცრი (1995-1999)
• საქართველოს მშენებელთა კავშირი, წევრი
• საქართველოს სპორტსმენთა კავშირი, წევრი
• ქ. თბილისის მუნიციპალიტეტის საკრებულო, წევრი (2014-2018)
• ქ. თბილისის მუნიციპალიტეტის საკრებულო, წევრი (2002-2006)
• ქ. თბილისის მუნიციპალიტეტის საკრებულოს განათლების და კულტურის კომისია, წევრი
• ქ. თბილისის მუნიციპალიტეტის საკრებულოს იურიდიულ საკითხთა კომისია, წევრი

• 1999 - ღირსების ორდენი
  ქართული ფეხბურთის განვითარებაში შეტანილი პირადი დიდი წვლილისა და ნაყოფიერი საზოგადოებრივი მოღვაწეობისათვის
• 1978 - სსრკ ჩემპიონი
• 1970 - სსრკ სპორტის დამსახურებული ოსტატი
• ღირსების მედალი