ედიშერ მაჩაიძე

დაბადების ადგილი: ქ. თბილისი.

დაამთავრა თბილისის სახელმწიფო პოლიტექნიკური ინსტიტუტის სამშენებლო ფაკულტეტი 1979 წელს; 1988 წელს - თბილისის ფიზკულტურის ინსტიტუტის პედაგოგიური ფაკულტეტი; 1991 წელს - მოსკოვის საინჟინრო-სამშენებლო ინსტიტუტის ასპირანტურა.

1973-1980წწ. იყო სპორტსაზოგადოება "დინამოს" ინსტრუქტორი; 1980-1984წწ. - სპორტკომიტეტის მთავარი მწვრთნელი; 1984-1988წწ. - ჭიდაობაში უმაღლესი სპორტული დაოსტატების რესპუბლიკური სკოლის დირექტორი; 1988-1999წწ. - ფიზიკური კულტურის ტექნიკუმის დირექტორი; 2004 წლიდან - საქართველოს სპორტის დეპარტამენტის თავმჯდომარის მოადგილე; 1994 წლიდან მსაჯობს მსოფლიოსა და ევროპის ჩემპიონატებს; იყო ათენის 2004 წლის ოლიმპიური თამაშების მსაჯი. ბერძნულ-რომაული ჭიდაობა, ექსტრა კატეგორიის საერთაშორისო არბიტრი. სამეცნიერო მოღვაწეობის თემატიკაა სამშენებლო მექანიკის, კერძოდ, შედგენილი თხელკედლიანი სივრცითი კონსტრუქციების გაანგარიშების თეორია. საქართველოს ფიზიკური აღზრდისა და სპორტის სახელმწიფო სასწავლო უნივერსიტეტის სპიკერი და პროფესორი; ტექნიკის მეცნიერებათა დოქტორი (2005), პროფესორი (2006).

საკანდიდატო დისერტაციის თემა - "ლითონის მილსადენების კონსტრუირება და ანგარიში დატბორილ ადგილებში", დაიცვა 1990 წელს; სადოქტორო დისერტაციის თემა - "სხვადასხვა სახით შედგენილი თხელკედლიანი სივრცითი სისტემების გაანგარიშების თეორია", დაიცვა 2005 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 218; საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.245; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.114

• საქართველოს სპორტსმენთა კავშირი, თავმჯდომარე (1994-)
• ჭიდაობის საერთაშორისო ფედერაცია, წევრი

• 2014 - მსოფლიოს საუკეთესო მსაჯი (FILA)
• 2000 - ღირსების მედალი
• 1976 - სსრ კავშირის თასის მფლობელი
• 1973 - სსრ კავშირის თასის მფლობელი
• საქართველოს დამსახურებული მწვრთნელი
• საერთაშორისო კლასის სპორტის ოსტატი

• შედგენილი თხელკედლიანი სივრცითი სისტემების გაანგარიშების თეორია (ავტორი). - თბილისი, ტექნ. უნ-ტი, 2006. - 370გვ. . - ISBN: 9994057391