ირაკლი მასხარაშვილი

დაბადების ადგილი: ქ. ბორჯომი.

დაამთვრა თბილისის სახელმწიფო პოლიტექნიკური ინსტიტუტის არქიტექტურის ფაკულტეტი 1963 წელს, ასპირანტურა 1969 წელს.

1962-1968წწ. თბილისის სხვადასხვა საპროექტო ორგანიზაციების მუშაკი; 1968-1969წწ. მოსკოვის ცენტრალური კვლევითი საპროექტო ექსპერიმენტული ინსტიტუტის ასპირანტი; 1970 წლიდან საქართველოს ტექნიკური უნივერსიტეტის არქიტექტურის კათედრის თანამშრომელი, სხვადასხვა დროს უფროსი ტექნიკოსი, უფროსი არქიტექტორი, ჯგუფის ხელმძღვანელი, პროექტის მთავარი არქოტექტორი, სახელოსნოს ხელმძღვანელი; 1991-1995წწ. ქ. თბილისის მთავარი არქიტექტორი. ძირითადი ნამუშევრები: რეალიზებული - ნევროლოგიის ინსტიტუტის შენობა თბილისში (1975), ბავშვთა ქალაქი "მზიური" თბილისში (გენგეგმა) და პირველი რიგის მშნებლობა (1982); პროექტები: სასცენო ხელოვნების სკოლა თბილისში (1965), საკურორტო კომპლექსი "ოქროს საწმისი" კოდორის შესართავთან (1970), ბათუმის ცენტრისა და ისტორიული ნაწილის რეკონსტრუქცია (1976) და სხვ. მიღებული აქვს სხვადასხვა სახის პრემიები შესრულებული სამუშაოებისთვის: წამახალისებელი პრემია - დიდების მემორიალი გმირთა მოედანზე (1962, თბილისი), პრემია - წმინდა სამების ტაძარი (1989, თბილისი), I ხარისხის პრემია - წმინდა სამების ტაძარი (1996, ფოთი), II ხარისხის პრემია - რუსთაველის მოედნის რეკონსტრუქცია (1998, თბილისი), საქართველოს მინისტრთა საბჭოს პრემია. 1990-1991წწ. საქართველოს უზენაესი საბჭოს წევრი, საარჩევნო ბლოკი: საარჩევნო ბლოკი "მრგვალი მაგიდა – თავისუფალი საქართველო", საარჩევნო ფორმა: პარტიული სიით; ხელი აქვს მოწერილი საქართველოს სახელმწიფოებრივი დამოუკიდებლის აღდგენის აქტზე (1991 წლის 9 აპრილი).

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 215;  საქართველოს პარლამენტის წევრები 1990-2015/კობა ამირხანაშვილი.- თბ., 2015.-გვ.237; საქართველოს პარლამენტის ვებგვერდი: parliament.ge

• საქართველოს არქიტექტორთა კავშირი, წევრი (1965-)
• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს რესპუბლიკის პირველი მოწვევის უზენაესი საბჭოს არქიტექტურის, ქალაქთმშენებლობის და კულტურული მემკვიდრეობის ქვეკომისია, თავმჯდომარე (1990-1991)

• საქართველოს დამსახურებული არქიტექტორი