მარიამ ბაქრაძე-დედაბრიშვილი

დაბადების ადგილი: ქ. თბილისი.

დაამთავრა პარიზის უნივერსიტეტის სამედიცინო ფაკულტეტი 1897 წელს.

ორი წლის მანძილზე მუშაობდა პარიზის ბავშვთა სნეულებათა კლინიკებში, შემდეგ პასტერის სადგურში; 1900 წელს საქართველოში დაბრუნდა; 1901-1908წწ. იყო თბილისის ქალაქის I საავადმყოფოს ექიმი; 1908-1938წწ. ამავე საავადმყოფოს ინფექციური განყოფილების გამგე; ხოლო 1938  წლიდან ქალაქის ბავშვთა ინფექციური საავადმყოფოს გამგე. სამეცნიერო და საექიმო საქმიანობასთან ერთად ეწეოდა ლიტერატურულ მოღვაწეობას, ქართულ პერიოდულ პრესაში გამოქვეყნებულია მთელი რიგი მისი საბავშვო მოთხრობებისა; ქართველი პოეტის შიო არაგვისპირელის მეუღლე, პირველი ქართველი პედიატრი ქალი, მედიცინის მეცნიერებათა დოქტორი (1898).

სადისერტაციო თემა - "საბავშვო დამბლების შედეგად განვითარებული მრუდე ტერფის ქირურგიული მკურნალობა", დაიცვა 1898 წელს (პარიზი).

წყარო: საქართველო: ენციკლოპედია: ტ.I.–თბ., 1997.–გვ.376; საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.422-423; რომელი მწერლის მეუღლე იყო პირველი ქართველი პედიატრი ქალი მარიამ ბაქრაძე-დედაბრიშვილი / ანა კალანდაძე // გზა .-თბილისი,2022.-18-24 აგვისტო.-N 33 (1158).- გვ.54-55; სასწაულის ძიებაში / Ajara TV: facebook.com

• 1941 - საქართველოს დამსახურებული ექიმი