ფირუზ მარტყოფლიშვილი

დაბადების ადგილი: სოფელი ზემო მაჩხაანი, დედოფლისწყაროს რაიონი.

დაამთავრა თბილისის ფიზკულტურის ინსტიტუტი 1963 წელს; 1970 წელს თბილისის სახელმწიფო სასოფლო-სამეურნეო ინსტიტუტი აგრონომის სპეციალობით.1970 წელს.

1959 წლიდან იყო სპორტსაზოგადოება "დინამოს უფროსი მწვრთნელი; 1973-1980წწ. იყო საქართველოს ძიუდოს ჭაბუკთა და ახალგაზრდული ნაკრები გუნდის უფროსი მწვრთნელი; 1980-1986წწ. სსრკ ნაკრების გუნდის უფროსი; 1987-1991წწ. საქართველოს "დინამოს" უფროსი მწვრთნელი; 1991-2004წწ. საქართველოს ძიუდოს ეროვნული ფედერაციის ვიცე-პრეზიდენტი; 2005-2018წწ. ძიუდოს ფედერაციის გენერალური მდივანი. გამოქვეყნებული აქვს ნაშრომები: "ქართველი ფალავნები კიმონოთი" (1972), "ძიუდოს სამსაჯო წესები და ტერმინოლოგია" (1979); "ჭიდაობა "სუმოს" წესები და ტერმინოლოგია" (2006). საქართველოს თერთმეტგზის ჩემპიონი სამბოში, თავისუფალ და ქართულ ჭიდაობაში; სსრკ ორგზის ჩემპიონი და ექვსგზის პრიზიორი სამბოში.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 215; ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.310; ქართული სპორტი: sport.gov.ge; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.141;  საქართველო: ენციკლოპედია: ტ.5. -თბ.,2023. -გვ.557

• 2017 - სპორტის რაინდის წოდება
• 1998 - ღირსების ორდენი
  საქართველოში სპორტის განვითარების საქმეში შეტანილი განსაკუთრებული პირადი წვლილისათვის, ოლიმპიურ თამაშებზე, მსოფლიოს და ევროპის ჩემპიონატებში მიღწეული მაღალი სპორტული მაჩვენებლებისა და სპეციალისტთა აღზრდაში მნიშვნელოვანი დამსახურებისათვის
• 1984 - საპატიო ნიშნის ორდენი
• 1968 - ევროპის ჩემპიონი
• საქართველოს დამსახურებული მწვრთნელი
• სპორტის ოსტატი (სამბო, თავისუფალ და ქართულ ჭიდაობაში)
• სსრკ საერთაშორისო კლასის სპორტის ოსტატი
• სსრკ დამსახურებული მწვრთნელი

• ქართველი ფალავნები კიმონოთი (ავტორი). - თბილისი, საბჭ. საქართველო, 1972. - 82გვ.