ივანე ბაქრაძე

დაბადების ადგილი: სოფელი ხაშმი, საგარეჯოს რაიონი.

დაამთავრა თბილისის პოლიტექნიკური ინსტიტუტის მექანიკის ფაკულტეტი 1925 წელს.

1925–1933წწ. მუშაობდა თბილისის საბურღი იარაღების ქარხანაში; 1933–1959წწ. თბილისის რკინიგზის ტრანსპორტის ინჟინრების ინსტიტუტში, 1953–1959  წლებში იყო პრორექტორი; 1959–1962წწ. საქართველოს პოლიტექნიკურ ინსტიტუტში მანქანათა ნაწილების კათედრის გამგე; 1962 წლიდან  მუშაობდა საქართველოს მეცნიერებათა აკადემიის მანქანათა მექანიკის ინსტიტუტის მანქანათა ნაწილების გაანგარიშების განყოფილების გამგედ. მისი შრომები ეხება კბილა და ჭიახრახნული გადაცემების ცვეთისა და ჩაჭექის თეორიის, ელექტრომავლებში გამოყენებული კბილანების გამძლეობის გადიდებისა და პოლიმერული მასალისაგან დამზადებული დეტალების გაანგარიშების საკითხებს და სხვ. მეცნიერი მანქანათმშენებლობის დარგში. ტექნიკის მეცნიერებათა დოქტორი (1954), პროფესორი (1955).

წყარო: საქართველო: ენციკლოპედია: ტ.I.–თბ., 1997.–გვ.375

• 1956 - საქართველოს მეცნიერებისა და ტექნიკის დამსახურებული მოღვაწე

• პოლიამიდის სწორკბილიანი ცილინდრული კბილანა თვლების ღუნვის სიმტკიცის ექსპერიმენტული გამოკვლევა (ავტორი). - თბილისი, 1965. - 11გვ.
• ტვირთამწევი მანქანები : სახელმძღვ. უმაღლ. ტექნ. სასწ. სტუდ. (ავტორი). - თბილისი, ცოდნა, 1961. - 303გვ.