არჩილ ბაქრაძე

დაბადების ადგილი: ქ. თბილისი.

დაამთავრა თბილისის სათავადაზნაურო გიმნაზია 1912 წელს; სწავლობდა ხარკოვის სახელმწიფო უნივერსიტეტის ფიზიკა–მათემატიკის ფაკულტეტზე.1913 წელს გადავიდა პეტერბურგში სამხედრო–სამედიცინო აკადემიაში.

1915 წელს გაიწვიეს სამხედრო სამსახურში, იბრძოდა თურქეთის ფრონტზე. 1916 წელს ჩაირიცხა თბილისის სამხედრო სასწავლებელში, რომელიც 1917 წელს დაამთავრა. 1917–1941წწ. მუშაობდა ვაჟთა პირველ გიმნაზიაში ფიზკულტურის მასწავლებლად. 1935 წელს მისი თაოსნობით ამ სკოლის ბაზაზე გაიხსნა საქართველოს განათლების სახალხო კომიტეტის ბავშვთა სპორტული სკოლა. ა. ბაქრაძე იყო ამ სკოლის მასწავლებელი და დირექტორი. 1950 წელს დაამთავრა საქართველოს ფიზკულტურის ინსტიტუტი. 1941–1958წწ. მუშაობდა აგრეთვე თბილისის სახელმწიფო უნივერსიტეტის ფიზიკური აღზრდის კათედრაზე უფროს მასწავლებლად. მიღებული აქვს სახელმწიფო ჯილდოები. ტანმოვარჯიშე. 

წყარო: საქართველო: ენციკლოპედია: ტ.I.–თბ., 1997.–გვ.373

• 1938 - სსრკ სპორტის დამსახურებული ოსტატი
• საკავშირო კატეგორიის მსაჯი (ტანვარჯიში)
• საქართველოს დამსახურებული მწვრთნელი
• სსრკ დამსახურებული მწვრთნელი