თენგიზ მამაცაშვილი

დაბადების ადგილი: ქ. თბილისი.

დაამთავრა თბილისის სახელმწიფო პოლიტექნიკური ინსტიტუტის ავტომატიკა-გამოთვლითი ტექნიკის ფაკულტეტი 1964 წელს, 1973 წელს საგარეო ვაჭრობის საკავშირო აკადემიის საგარეო ვაჭრობის ეკონომიკის ფაკულტეტი.

1965 წელს იყო ავტომატიზაციის საშუალებათა კვლევითი ინსტიტუტის ინჟინერი; 1965-1970წწ. მეტროლოგიის ინსტიტუტის უფროსი ინჟინერი; 1970-1973წწ. მოსკოვის საგარეო ვაჭრობის აკადემიური მსმენელი; 1973 წელს "ტექმაშექსპორტის" უფროსი ინჟინერი; 1974-1976წწ. ავსტრალიაში სსრკ წარმომადგენლობის უფროსი ინჟინერი; 1977-1989წწ. "ლიცენზინტორგის" უფროსი ინჟინერი, დირექტორი(მოსკოვი); 1989-1992წწ. იაპონიაში სსრკ სავაჭრო წარმომადგენელი(ტოკიო); 1992-1993წწ. საქართველოს საგარეო ეკონომიკურ ურთიერთობათა კომიტეტის თავმჯდომარის მოადგილე, თავმჯდომარე; 1995 წლიდან საქართველოს საგანგებო და სრულუფლებიანი ელჩი დიდი ბრიტანეთის და ჩრდილოეთ ირლანდიის გაერთიანებულ სამეფოში; 1998 წლიდან საგანგებო და სრულუფლებიანი ელჩი ირლანდიაში.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 209

• 1988 - მედალი "შრომითი მიღწევებისთვის"
• 1970 - მედალი "შრომითი წარჩინებისთვის"