მამია მალაზონია

დაბადების ადგილი: ქ. ოზურგეთი.

დაამთავრა თბილისის სახელმწიფო სამხატვრო აკადემიის სახვითი ხელოვნების ფაკულტეტი 1962 წელს.

1962 წლიდან მონაწილეობს გამოფენებში; 1967-1968წწ. იყო რუსთაველის თეატრის, 1969-1976წწ. მარჯანიშვილის თეატრის, ხოლო 1976-1984წწ. ზაქარია ფალიაშვილის სახელობის ოპერისა და ბალეტის თეატრის მთავარი მხატვარი; გაფორმებული აქვს რუსთავის დრამატული, მინსკის ოპერისა და ბალეტის თეატრების სპექტაკლები; შექმნილი აქვს კოსტიუმების ესკიზები კინოფილმებისათვის, მუშაობს წიგნის გრაფიკაში. 1984 წლიდან თბილისის სახელმწიფო სამხატვრო აკადემიის პროფესორი, მულტიპლიკაციის განყოფილების ხელმძღვანელი. მისი ნამუშევრები დაცულია: საქართველოს ეროვნულ გალერეაში, საქართველოსხელოვნების სახელმწიფო მუზეუმში, მოსკოვის თეატრალურ მუზეუმში, ტრეტიაკოვის გალერეაში, აღმოსავლეთის ხალხთა ხელოვნების მუზეუმში, მოსკოვის პუშკინის სახელობის ნატიფი ხელოვნების მუზეუმში, საქართველოს, საფრანგეთის, ინგლისის, გერმანიის, აშშ კერძო კოლექციებში. 

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ.207; ეროვნული ფილმოგრაფია: geocinema.ge;  ხელოვნების მუზეუმის ახალი კოლექცია, 2021-2022 = New collection of the Museum of Fine Arts / რედაქტორ-შემდგენელი ალექსანდრა გაბუნია. -თბ., 2022.- გვ. 206-207

• საქართველოს თეატრის მოღვაწეთა კავშირი, წევრი
• საქართველოს კინემატოგრაფისტთა შემოქმედებითი კავშირი, წევრი
• საქართველოს მხატვართა კავშირი, წევრი

• 2007 - გალაკტიონ ტაბიძის სახელობის ლიტერატურული პრემია "გალასა"
• 2003 - შოთა რუსთაველის სახელობის სახელმწიფო პრემია
• 1984 - საქართველოს სახალხო მხატვარი
• 1980 - საქართველოს დამსახურებული მხატვარი