
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ვლადიმერ გურგენიძე

Date of birth:	16 November, 1894
Date of death:	15 September, 1983 (at 88 years)
Category:	Engineer, Scientist, Educator

Biography

დაბადების ადგილი: ქ. თელავი.

დაამთავრა ლენინგრადის გზათა მიმოსვლის საინჟინრო ინსტიტუტი 1921 წელს.

1926-1930წწ. მუშაობდა თბილისის ინდუსტრიულ ტექნიკუმსა და ამიერკავკასიის სატყეო–ტექნიკურ ინსტიტუტში; 1930-1959წწ. ამიერკავკასიის, შემდგომ თბილისის გზათა მიმოსვლის საინჟინრო ინსტიტუტში; 1944-1978წწ. საქართველოს პოლიტექნიკურ ინსტიტუტში რკინიგზის სადგურებისა და კვანძების დაპროექტების, მშენებლობისა და ექპლუატაციის კათედრის გამგედ; 1978 წლიდან იყო ამავე კათედრის პროფესორ–კონსულტანტი; გამოქვეყნებული აქვს 70-ზე მეტი სამეცნიერო-კვლევით ნაშრომი, მათ რიცხვში არის პირველად გამოკვლეული და გამოქვეყნებული პრობლემური საკითხები, რომლებსაც უდიდესი მნიშვნელობა აქვს რკინიგზის ტრანსპორტისათვის: ვიწრო და ფართოლიანდაგიანი რკინიგზების მშენებლობის და ექსპლუატაციის საერთო ნორმები; სადგურები და მათი მოწყობა დახრილ ქანობზე; დამჭერი ჩიხები. უკანასკნელი ორი შრომა გზათა მიმოსვლის სამინისტორის მიერ მიღებულია ზემოთ აღნიშნულ ნაგებობათა დაპროექტების ფუძედ. დამჭერი ჩიხები ყოფილ საბჭოთა კავშირში პირველი და ერთადერთი ნაშრომია, რომელიც გადათარგმნილია ჩინურ ენაზე; პირველად ქართულ ენაზე გამოიცა სახელმძღვანელოები, რომელთაც დიდი მნიშვნელობა აქვს მაღალკვალიფიციური კადრების მომზადების საქმეში; პრაქტიკულ სამშენებლო და მეცნიერულ მოღვაწეობასთან ერთად, იგი როგორც თბილისის ორჯონიკიძის რაიონის და ქალაქ ხაშურის მშრომელთა დეპუტატების საბჭოს დეპუტატი, აქტიურ მონაწილეობას იღებდა კულტურულ და საზოგადოებრივ ცხოვრებაში. მიღებული აქვს სახელმწიფო ჯილდოები. ინჟინერი რკინიგზების დაპროექტების, მშენებლობისა და ექპულატაციის დარგში, ტექნიკურ მეცნიერებათა დოქტორი (1950), პროფესორი (1950).

წყარო: საქართველო: ენციკლოპედია: ტ.2. – თბ., 2012. – გვ.213; გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.50-51

Awards and Honors

1956 - საქართველოს მეცნიერებისა და ტექნიკის დამსახურებული მოღვაწე

Bibliography

რკინიგზების სადგურები და კვანძები : სახელმძღვანელო პოლიტექნ. ინ-ტის სატრანსპორტო ფაკ-ტის სტუდენტებისათვის (Author) // ნაწ. 1. - თბილისი, განათლება, 1974. - 255გვ.
რკინიგზათა კვანძის, მისი ძირითადი სადგურებისა და დამხარისხებელი გორაკის დაპროექტება : დამხმ. სახელმძღვ. პოლიტექნ. ინ-ტის სტუდენტებისათვის (Author). - თბილისი, განათლება, 1966. - 115გვ.