ვაჟა ლორთქიფანიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის კიბერნეტიკის ფაკულტეტი 1973 წელს; ასპირანტურა (სოციოლოგია) 1978 წელს; მოსკოვის საზოგადოებრივ მეცნიერებათა აკადემია (ისტორია-პოლიტოლოგია).

1983-1986წწ. საქართველოს კომკავშირის ცკ-ის პირველი მდივანი; 1989-1990წწ. საქართველოს მინისტრთა საბჭოს თავმჯდომარის მოადგილე; 1991-1995წწ. საქართველოს მეცნიერებათა აკადემიის დემოგრაფიისა და სოციოლოგიის ინსტიტუტის უფროსი მეცნიერ-თანამშრომელი; 1992 წელს საქართველოს სახელმწიფო საბჭოს მთავარი სახელმწიფო მრჩეველი განათლებისა და მეცნიერების დარგში; 1992-1995წწ. საქართველოს სახელმწიფო მეთაურის აპარატის ხელმძღვანელი; 1995-1998წწ. საქართველოს მე-4 მოწვევის პარლამენტის წევრი, საარჩევნო ბლოკი: საქართველოს მოქალაქეთა კავშირი, საარჩევნო ფორმა: პარტიული სიით; 1995-1998წწ. საქართველოს საგანგებო და სრულუფლებიანი ელჩი რუსეთში; 1998-2000წწ. საქართველოს სახელმწიფო მინისტრი (მთავრობის ხელმძღვანელი); 1999-2000წწ. ივ. ჯავახიშვილის სახელობის თბილისის სახელმწიფო უნივერსიტეტის დემოგრაფიული კვლევის სამეცნიერო-სასწავლო ლაბორატორიის დამაარსებელი და ხელმძღვანელი; 2000-2006წწ. ივ. ჯავახიშვილის სახელობის თბილისის სახელმწიფო უნივერსიტეტის დემოგრაფიის კათედრის დამაარსებელი და კათედრის გამგე; 2001-2004წწ. საქართველოს მე-5 მოწვევის პარლამენტის წევრი, საარჩევნო ბლოკი: საინიციატივო ჯგუფი, საარჩევნო ფორმა: მაჟორიტარული, მაჟორიტარი ბაღდათის საარჩევნო ოლქიდან; 2007-2014წწ. გრიგოლ რობაქიძის სახელობის უნივერსიტეტის ჰუმანიტარულ და სოციალურ მეცნიერებათა ფაკულტეტის სრული პროფესორი; 2010-2014წწ. საპატრიარქოს უნივერსიტეტის მოწვეული პროფესორი, ასოცირებული პროფესორი (2014-2018); 2014 წლიდან ივ. ჯავახიშვილის სახელობის თბილისის სახელმწიფო უნივერსიტეტის პროფესორი; სამეცნიერო ჟურნალის "დემოგრაფია" დამაარსებელი (1999); თეორიული ჟურნალის "ქრისტიან-დემოკრატია" ერთ-ერთი დამაარსებელი და გამომცემელი (2000). სამეცნიერო ინტერესების სფერო: დემოგრაფია, რეგიონალური დემოგრაფიის პრობლემები, ისტორიული დემოგრაფიის პრობლემები, დემოპოლიტოლოგიური პრობლემების კვლევა, დემოსოციოლოგიური პრობლემების კვლევა. მინიჭებული აქვს საგანგებო და სრულუფლებიანი ელჩის დიპლომატიური რანგი. არის 70-ზე მეტი სამეცნიერო ნაშრომის ავტორი, მათ შორის 7 მონოგრაფიის. ისტორიის მეცნიერებათა დოქტორი.

საკანდიდატო დისერტაციის თემა - "სამცხე-ჯავახეთის დემოგრაფიული განვითარების პრობლემები", დაიცვა 1993 წელს; სადოქტორო  დისერტაციი თემა -  "ისტორიული მესხეთის დემოგრაფიული განვითარების პრობლემები საქართველოში", დაიცვა 1998 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 202; საქართველოს პარლამენტის ვებგვერდი: parliament.ge; საქართველოს მეცნიერებათა ეროვნული აკადემია: science.org.ge;   საქართველოს პარლამენტის წევრები 1990-2015/კობა ამირხანაშვილი.- თბ., 2015. გვ.228; დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.109

• აფხაზეთის მეცნიერებათა აკადემია, წევრი (2002-)
• აღმოსავლეთ-დასავლეთის ურთიერთობათა კვლევის საერთაშორისო ცენტრი, ერთ-ერთი დამფუძნებელი და პრეზიდენტი (2003-)
• თბილისის სახელმწიფო უნივერსიტეტის სამეურვეო საბჭო, თავმჯდომარე (2003-2005)
• პოლიტიკური ორგანიზაცია "საქართველოს ქრისტიან-დემოკრატიული კავშირი", თავმჯდომარე (2002-)
• რუსეთის საბუნებისმეტყველო მეცნიერებათა აკადემია, წევრი (2006-)
• საქართველოს დემოგრაფთა ასოციაცია, დამაარსებელი და პრეზიდენტი (1998-)
• საქართველოს ეკონომიკურ მეცნიერებათა აკადემია, წევრი (1999-)
• საქართველოს მე-4 მოწვევის პარლამენტი, წევრი (1995-1998)
• საქართველოს მე-4 მოწვევის პარლამენტის გარემოს დაცვისა და ბუნებრივი რესურსების კომიტეტი, წევრი (1997-1998)
• საქართველოს მე-4 მოწვევის პარლამენტის ფრაქცია "მოქალაქეთა კავშირი", წევრი (1995-1998)
• საქართველოს მე-5 მოწვევის პარლამენტი, წევრი (2001-2004)
• საქართველოს მე-5 მოწვევის პარლამენტის ადამიანის უფლებათა დაცვის, მოქალაქეთა პეტიციებისა და სამოქალაქო საზოგადოების მშენებლობის კომიტეტი, წევრი (2002-2002)
• საქართველოს მე-5 მოწვევის პარლამენტის საფინანსო-საბიუჯეტო კომიტეტი, წევრი (2002-2002)
• საქართველოს მე-5 მოწვევის პარლამენტის ფრაქცია "ახალი აფხაზეთი - ქრისტიან დემოკრატები", წევრი (2002-2004)
• საქართველოს მეცნიერებათა ეროვნული აკადემია, აკადემიკოსი (2018-)
• საქართველოს სპეციალური ოლიმპიური კომიტეტი, პრეზიდენტი (2001-)

• 1981 - საპატიო ნიშნის ორდენი

• ერი ერმა უნდა გადაარჩინოს : დემოგრაფიული ვითარება თანამადროვე საქართველოში (თანაავტორი). - თბილისი, უნივერსალი, 2007. - 169გვ. . - ISBN: 978-9941-12-073-2
• ისტორიული მესხეთი : დემოგრაფიული განვითარების პრობლემები (ავტორი). - თბილისი, მეცნიერება, 1998. - 224გვ.. - ISBN: 99928-51-27-9
• საქართველოს მოსახლეობის გარე მიგრაცია (ავტორი). - თბილისი, 1997. - 8გვ.
• სამცხე-ჯავახეთი XIX-XX საუკუნეებში : დემოგრაფიული განვითარების პრობლემები (ავტორი). - თბილისი, მეცნიერება, 1994. - 120გვ.. - ISBN: 5-520-01564-3