ეთერ ანჯაფარიძე

დაბადების ადგილი: ქ. თბილისი.

დაამთავრა მოსკოვის სახელმწიფო კონსერვატორია 1979 წელს.

1972 წლიდან დაიწყო საშემსრულებლო მოღვაწეობა; 1981–1991წწ. მუშაობდა თბილისის სახელმწიფო კონსერვატორიაში სპეციალური ფორტეპიანოს კათედრის პედაგოგად; 1981–1991წწ. თბილისის სახელმწიფო ფილარმონიის სოლისტი; 1992 წლიდან საკონცერტო და პედაგოგიურ მოღვაწეობას ეწევა აშშ-ში; რეგულარულად ატარებს მასტერკლასებს და არის სასწავლო–საშემსრულებლო პროგრამის AmerKlavier ხელმძღვანელი; გამოდის მსოფლიოს სხვადასხვა სცენებზე სოლო და კამერული პროგრამებით და თანამშრომლობს როგორც სოლისტი განთქმულ ორკესტრებთან და გამოჩენილ დირიჟორებთან, როგორებიც არიან ჯ. კახიძე, ვ. სპივაკოვი, ვ. გერგიევი, ი. ტემირკანოვი, ჯ. დეპრისტი და სხვ. მისი ჩანაწერები გამოცემულია მელოდია, ნაქსოს და მარკო პოლოს მიერ.  

წყარო: ვინ ვინაა საქართველოში: ქართული ბიოგრაფიული ცნობარი. – თბ., – 1996–97. – გვ. 24

• 1976 - მონრეალის საერთაშორისო კონკურსი(კანადა), გრან–პრი
• 1974 - პეტრე ჩაიკოვსკის სახელობის საერთაშორისო კონკურსი, მეოთხე პრემია (მოსკოვი)
• ღირსების ორდენი
• ხალხთა მეგობრობის საერთაშორისო ორდენი
• საქართველოს სახალხო არტისტი
• ამიერკავკასიის მუსიკოს-შემსრულებელთა კონკურსი, ლაურეატი