მანანა დოიჯაშვილი

დაბადების ადგილი: ქ. თბილისი.

დაამთავრა თბილისის სახელმწიფო კონსერვატორია 1971 წელს.

მუშაობდა თბილისის სახელმწიფო კონსერვატორიაში; 1987-1988წწ. იყო ყოველთვიური სატელევიზიო ციკლის - "მსოფლიოს სახელგანთქმული პიანისტები"-ს ავტორი; 1988 წელს დააარსა საკონცერტო ფირმა "კლასიკა" (გენერალური დირექტორი), რომელმაც არა ერთი შთამბეჭდავი კონცერტი ჩაატარა; 1995 წელს საფუძველი ჩაუყარა "საქართველოს მუსიკოს-შემსრულებელთა" კონკურსს; 1996 წელს კონსერვატორიის დიდი დარბაზის სამხატვრო ხელმძღვანელი და გენერალური დირექტორია; 1997 წელს მისი თაოსნობით აღდგა თბილისის სახელმწიფო კონსერვატორიის დიდი დარბაზი; 1997 წელს დაარსა "პიანისტთა თბილისის საერთაშორისო კონკურსი"; ამავე წელს საფუძველი ჩაუყარა თბილისის სახელმწიფო კონსერვატორიის დიდი დარბაზის საერთაშორისო ფესტივალს "საახალწლო მუსიკალური შეხვედრები"; 2000-2012წწ. თბილისის ვანო სარაჯიშვილის სახელობის სახელმწიფო კონსერვატორიის რექტორია; 2001-2007წწ. მისი თაოსნობით მოხდა კონსერვატორიის შენობის რეკონსტრუქცია-რეორგანიზება, შექმნა კონსერვატორიის მატერიალურ-ტექნიკური ბაზა; 2002 წელს საფუძველი ჩაუყარა "ტრადიციული მრავალხმიანობის საერთაშორისო სიმპოზიუმს"  და "ტრადიციული მრავალხმიანობის საერთაშორისო კვლევის ცენტრს" თბილისის სახელმწიფო კონსერვატორიაში; 2005 წელს მისი თაოსნობით კონსერვატორია გახდა ევროპული კონსერვატორიების ასოციაციის წევრი; 2008 წელს მისი თაოსნობით ჟენევის საერთაშორისო კონკურსების მსოფლიო ფედერაციის 52-ე ასამბლეა ჩატარდა თბილისში; 2009-2010წწ. საქართველოში უწყვეტი სამუსიკო განათლების რეფორმის ინიციატორია; 2012 წლიდან არის თბილისის სახელმწიფო კონსერვატორიის რექტორის მოადგილე. გამოშვებული აქვს რამდენიმე დისკი სოლო პროგრამითა და ორკესტრის თანხლებით; მ. დოიჯაშვილის საშემსრულებლო ხელოვნებას კარგად იცნობენ რუსეთის, ბულგარეთის, ფინეთის, ამერიკის, ესპანეთის, ავსტრიის, გერმანიის, არგენტინის, კორეის, ავსტრალიის და სხვა ქვეყნების მუსიკოსები და კლასიკური მუსიკის მოყვარულები. პიანისტი, პროფესორი. 

წყარო: ვინ ვინაა საქართველოში: ქართული ბიოგრაფიული ცნობარი. – თბ., 1996 – 97.– გვ. 70; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.363;პიველი არხი: 1tv.ge

• თბილისის სახელმწიფო კონსერვატორიასთან არსებული 11 წლიანი სამუსიკო სემინარია , დამაარსებელი (2009-)
• კონსერვატორიის მზრუნველთა საბჭო(სპონსორები) და კონსერვატორიის განვითარების ფონდი, დამფუძნებელი (2001-)
• კონსერვატორიის სამუსიკო სემინარიის მოსწავლეთა ზოგადსაგანმანათლებლო სკოლა "ჩვენი სკოლა", დამაარსებელი (2010-)
• საქართველოს მუსიკალური კონკურსების ფონდი, დამაარსებელი, დირექტორი (1998-)

• 2005 - საფრანგეთის რესპუბლიკის "ლიტერატურისა და ხელოვნების ორდენის რაინდის" საპატიო წოდება
• 2005 - საფრანგეთის რესპუბლიკის "მშვიდობის ელჩის" საპატიო წოდება
• 2004 - რუსეთის საშემსრულებლო ხელოვნების ფონდის პრემია
• 2003 - ზაქარია ფალიაშვილის სახელობის პრემია
• 1999 - ღირსების ორდენი
  ქართული პროფესიული მუსიკალური ხელოვნების განვითარებაში, მის პოპულარიზაციაში შეტანილი პირადი დიდი წვლილისათვის, მაღალი პროფესიონალიზმისა, ნაყოფიერი პედაგოგიური და საზოგადოებრივი მოღვაწეობისათვის
• 1977 - სიდნეის პიანისტთა I საერთაშორისო კონკურსი
• 1974 - სმეტანას სახელობის პიანისტთა საერთაშორისო კონკურსი (ჩეხოსლოვაკია)
• 1970 - ენესკუს სახელობის საერთაშორისო კონკურსი (ბუქარესტი)
• 1962 - ამიერკავკასიის მუსიკოს-შემსრულებელთა კონკურსი (II კონკურსი)
• საქართველოს სახალხო არტისტი